काठमाडौं - नागरिक न्युज नेपाल टेलिकमले आफ्नो दसौं वार्षिकोत्सवका अवसरमा कम्पनीले प्रदान गर्दै आइरहेको सेवाहरुको महसुल दरमा छुटलगायत विभिन्न 'अफर' ल्याएको छ। कम्पनीले जिएसएम तथा सिडिएमए मोबाइल सेवा मार्फत कम्पनीकै नेटवर्क भित्र हुने कलमा माघ २१, २२ र २३ गतेका लागि महशुल दरमा ५० प्रतिशत छुट दिएको छ। साथै कम्पनीले बोल्न र सुन्न नसक्ने व्यक्तिहरुका लागि नेपाल सरकारबाट मान्यता प्राप्त संघ संस्थाबाट जारी बहिरा र अपांगताको प्रमाणपत्रको आधारमा रु. १०० मा रु. १०० बराबरकै टक टाइम रहने गरी सीम तथा रीम कार्ड बिक्री गर्ने गर्ने तथा सो सीम तथा रीम कम्पनीकै नेटवर्कमा कल गर्दा बुधवार देखि ३ महिनाको लागि प्रति कल २० पैसा कायम गर्ने जनाएको छ। त्यस्तै राती १० बजे देखि विहान ६ बजेसम्म कम्पनीकै नेटवर्क भित्र अनलिमिटेड नेसनल भ्वाइस कल गर्न सक्ने गरी सिडिएमए प्रिपेड सेवामा प्रति महिना रु २० मा नाइट कल प्याकेज बुधबारदेखि तीन महिनासम्मका लागि वितरण गर्ने घोषणा गरेको छ। त्यस्तै साथी र परिवार सेवा सिडिएमए पोष्टपेडको लागि ५५ पैसा प्रति मिनेट तथा सिडिएमए प्रिपेडको लागि ७५ पैसा प्रति मिनेट कायम गरी मिति बुधबार देखि तीन महिना सम्म सेवा दिने जनाएको छ।
कम्पनीले पोष्टपेड जिएसएम, सिडिएमए मोबाइल ग्राहकहरुलाई बुधवारदेखि ३ महिनाको लागि विद्यमान मासिक महशुलमा प्रति महिना ५० एमबी डाटा सेवा निःशुल्क वितरण गर्ने जनाएको छ। त्यस्तै इभिडियो सेवाको २ जिबी, ५ जिबी र १० जिबी डाटा प्याकेजको हाल कायम रहेको समयावधि १ महिनाबाट बढाई २ महिना कायम गर्ने। यसैगरी नयाँ २५ एमबी तथा ३ सय एमबी डाटा प्याकेज क्रमश २ दिन र १५ दिनको समयावधि कायम गरी वितरण गर्ने जनाएको छ। यो समयावधि बुधबार देखि तीन महिना सम्म थप गर्ने कम्पनीले जनाएको छ। त्यस्तै टेलिकमले बुधबारदेखि लागु हुने गरी जिएसएम तथा सिडिएमए स्काई फोन पोष्टपेड मोबाइल सेवाको ग्राहक शुल्क हाल कायम रहेको रु. २ हजार १ सय ३० बाट परिमार्जन गरि १ हजार ४ सय ३० कायम गर्ने घोषणा गरेको छ। त्यस्तै सिडिएमए स्काइ फोन मोबाइलमा पोष्टपेड सेवा बुधबारदेखि काठमाण्डौंबाट पुनः बिक्री वितरण गर्ने र क्रमश: काठमाडौं बाहिर पूर्वाधार विस्तार गर्ने क्रमसँगै बिक्री वितरण गर्ने जनाएको छ। त्यस्तै महिला सामुदायिक स्वास्थ्य स्वयंसेविकालाई विशेष प्याकेज अन्तर्गत वितरण गरिने सीम रीमबाट कम्पनीकै नेटवर्क भित्र हुने प्रत्येक १० मिनेट कलमा रु १ का दरले बुधबार देखि तीन महिना सम्म बोनस दिने समेत कम्पनीले घोषणा गरेको छ।
No comments:
Post a Comment