Thursday, December 19, 2013

सिंहले टेलिकमबाट अवकाश पाउने


सिंहले टेलिकमबाट अवकाश पाउने
कारोबार संवाददाता काठमाडौं, ३ पुस - नेपाल टेलिकममा चौथो कार्यकालका लागि प्रबन्ध निर्देशक हुने लबिङमा जुटेका अमरनाथ सिंहले अवकाश प्राउने भएका छन् । दोहोरो उमेर पेस गरेका कर्मचारीको प्रमाणपत्रमा छिटो अवकाश हुने मितिलाई मान्यता दिने टेलिकम सञ्चालक समितिको निर्णयसँगै सिंह प्रतिस्पर्धाबाट बाहिरिएका हुन् ।  उमेर हदबन्दीका कारण विवादमा परेका निमित्त प्रबन्ध निर्देशक सिंहको विषय लम्बिएपछि सूचना तथा सञ्चार मन्त्रालयले जवाफ दिन लेखेको पत्रमाथि छलफल गर्दै सञ्चालक समितिले यस्तो निर्णय लिएको हो ।नेपाल दूरसञ्चार कम्पनी विनियमावलीको दफा १०७ को उपदफा १ मा ‘सेवा सुरु गर्दा पेस गरिएका एसएसलसी वा सोसरहको योग्यता प्रमाणपत्रका आधारमा उमेर गणना हुने’ उल्लेख छ । दफा २ मा ‘नागरिकता प्रमाणपत्र वा सेवा सुरु गर्दा भरिएको सिटरोल फर्मका आधारमा उमेर गणना हुने’ छ । पेस गरिएका कागजातको जन्ममिति फरक परेको भेटिए जुन कागजातका आधारमा पहिले ५८ वर्ष पूरा हुन्छ, त्यसैलाई आधार मान्ने उल्लेख छ ।विनिमावलीमा यस्तो व्यवस्था हुँदाहुँदै पनि शैक्षिक प्रमाणपत्रलाई आधार मान्दै सिंह कार्यकाल लम्ब्याउने प्रतिस्पर्धामा थिए । नागरिकताअनुसार उनले असार २३ मा ५८ वर्ष उमेर पूरा गरिसकेका छन् । तर, शैक्षिक प्रमाणपत्रका आधारमा उनको उमेर पुस १४ मा मात्रै ५८ वर्ष पुग्छ । सञ्चालक समितिले बुधबार गरेको निर्णय र विनियमावलीको दफा २ अनुसार सिंहले उमेरको हदबन्दीभन्दा ३ महिना बढी प्रबन्ध निर्देशक खाइसकेका छन् ।आइतबार सूचना तथा सञ्चार मन्त्रालयले कानुन मन्त्रालयको रायमा सिंहको पदावधिको विषयलाई लिएर पत्र पठाएको थियो । सो पत्रपछि टेलिकम सञ्चालक समितिले बुधबार बैठक बोलाएको हो । सरकारले ०६८ असोज २८ मा २ वर्षका लागि सिंहलाई प्रबन्ध निर्देशक नियुक्त गरेको हो । पदावधि र उमेर हदको विवाद बढेपछि अख्तियार दुरुपयोग अनुसन्धान आयोगले समेत यसमा छानबिन गरेको थियो ।

टेलिकम नेतृत्वबिहीन हुँदा ठूला निर्णय प्रभावित

प्रकटकुमार शिशिर, नागरिक काठमाडौं—प्रबन्ध निर्देशक नहुँदा नेपाल टेलिकमको नीतिगत तथा पूर्वाधारको काम प्रभावित हुन थालेको छ। टेलिकम दुई महिनाभन्दा बढी समयदेखि उच्च नेतृत्वबिहीन अवस्थामा छ। प्रबन्ध निर्देशक अमरनाथ सिंहको पदावधि गत असोजमा सकिए पनि नयाँ नियुक्ति नहुँदा कम्पनीको नयाँ निर्णय, नीतिगत विषय र पूर्वाधारमा समस्या देखिन थालेको हो । दूरसञ्चार क्षेत्रमा उच्च प्रतिस्पर्धाबीच टेलिकमले बनाएका नयाँ योजना कार्यान्वयन गर्न नेतृत्व आवश्यक पर्छ ।सिंह निमित्तको रुपमा अझै टेलिकममा भए पनि उमेरमा विवाद उठेपछि कार्यालय जान छाडेका छन् । निमित्त प्रबन्ध निर्देशक सिंहलाई सञ्चार मन्त्रालयले गत आइतबार पदावधि सकिएको पत्र पठाएको थियो । नागरिकताअनुसार गत असारमा उनको अनिवार्य अवकाशको उमेर ५८ वर्ष पुगेको छ । नेतृत्व नहुँदा टेलिकममा नीतिगत निर्णय हुन सक्दैन,' पूर्व महानिर्देशक चेतप्रसाद भट्टराईले भने, 'टेलिकम क्षेत्रमा चर्को प्रतिस्पर्धा छ, दिनहुँ नयाँ प्रविधि र सेवा प्रदान गर्ने बेला नेतृत्व नै नहुँदा ठूलो घाटा लाग्छ।' उच्च प्रतिस्पर्धा चलिरहेको बेला नयाँनयाँ योजना ल्याएर आक्रामक रुपमा प्रस्तुत हुनुपर्ने बेला लामो समय नेतृत्वबिहीन राख्दा बजार हिस्सा गुमाउँदै गएको टेलिकमलाई झन् समस्या हुने उनले बताए। टेलिकम सहप्रवक्ता राजेश जोशीले ठूला निर्णय बोर्डबाट र दैनिक काम निमित्त र सिनियर कर्मचारीबाट हुँदै आएको बताए । 'अहिले त्यस्तो ठूलो समस्या त देखिएको छैन, तर नेतृत्व चाँडै चाहिन्छ,' उनले भने। अहिले नेपाल टेलिकम १० अर्बको परियोजनामार्फत नेटवर्क विस्तारमा लागेको छ । उसले जिएसएम मोबाइलको लागि नेटवर्क विस्तार गर्न लागेको हो। काठमाडौंभित्र नेटवर्क विस्तार गरी गुणस्तर सुधारको काम भर्खर सकेको टेलिकमले उपत्यकाबाहिर पनि सोहीअनुरुप काम गरिरहेको छ। डाटाका लागि इभिडिओ, वाइम्याक्स लगायतलाई प्रभावकारी बनाउन नयाँ योजना बनाएको टेलिकम जिएसएम सेवामा एनसेलभन्दा पछि छ।

Tuesday, December 17, 2013

टेलिकममा तीन महिनादेखि सीआरवीटी बन्द

nepal-telecom२ मंसिर, काठमाडौं ।Onlinekhabar.com नेपाल टेलिकमका मोबाइलमा तीन महिनादेखि नयाँ सीआरवीटी -कलर रिङ ब्याक टोन) अपलोड हुन बन्द भएको छ । नेपाली गीत संगीतको एकमात्र बाँच्ने आधार बनेको सीआरवीटी बन्द हुँदा त्यसको प्रत्यक्ष असर नेपालको संगीत उद्योगमा परेको छ ।
एल्बम बिक्री बन्दप्रायः अवस्थामा रहेको नेपाली संगीत बजारमा अहिले नयाँ गीत संगीत निस्कने भनेकै सीआरवीटीबाट दुई चार पैसा आम्दानी होला भन्ने आशमा हो । तर, नेपालको सीआरवीटी बजारको करिव ४० प्रतिशत हिस्सा ओगटेको नेपाल टेलिकमा तीन महिनायता कुनै पनि नयाँ गीत अपलोड हुन सकेको छैन् ।
नेपाल टेलिकममा सिस्टम एगि्रगेटरका रुपमा काम गरिरहेको हाइलाइट्स नेपालका अध्यक्ष ओम गुरुङले भन्नुभयो-’सिस्टम बिगि्रएको भन्दै तीन महिनादेखि नयाँ गीत लिन बन्द गरेको छ, हामीकहाँ गीत जाम भइसके ।’
नयाँ गीत अपलोड हुन नसक्दा सीआरवीटी डाउनलोड पनि ठप्पप्राय भएको संगीत उद्योगीहरु बताउँछन् । ‘टेलिकमबाट दिनमा करिव १० हजार गीत डाउनलोड हुन्थे’ नेपाल संगीत उद्योग संघका अध्यक्ष पदमबहादुर बुढाले भन्नुभयो-’नयाँ गीत अपलोड नहुँदा डाउनलोड लगभग ठप्पै भएको छ ।’
बुढाका अनुसार नेपालको सीआरवीटी बजारमा नेपाल टेलिकमको हिस्सा करिव ४० प्रतिशत छ । बाँकी करिव ५५ प्रतिशत एनसेल ५ प्रतिशत हिस्सा युटिएल र स्मार्ट टेलिकमको रहेको छ ।
‘सेवा भरपर्दो बनाउन नसक्दा टेलिकमले आफ्नो बजार हिस्सा गुमाउँदै गएको छ’ बुढाले भन्नुभयो-’वर्षमा आधाजसो समय सिस्टम बिगि्रएको भन्दै गीत अपलोड बन्द हुन्छ, यसले नेपाल टेलिकम र संगीत उद्योग दुवैलाई घाटा भइरहेको छ ।’
नेपाल टेलिकमले भने जेडटीईको पुरानो सीआरवीटी सिस्टमलाई हुवाईले प्रतिस्थापन गर्न लागेका कारण केही समय अबरुद्ध भएको बताएका छ ।
सिष्टममा टेक्निकल समस्या देखिएपछि नयाँ गीतहरु अपलोड हुन नसकेको टेलिकम प्रवक्ता गुणकेशरी प्रधानले बताउनुभयो । ‘पुराना अपलोड भइसकेका गीतहरु सीआरवीटी राख्न सकिन्छ’ उहाँले भन्नुभयो- ‘नयाँ गीतहरु अपलोड सुचारु गर्न प्राविधिकहरु लागिरहेका छन् ।’ उहाँका अनुसार केही दिनमा नै समस्याको समधान हुने छ । टेलिकम, सर्जक, म्यूजीक कम्पनीहरु सबैको राम्रो आयस्रोतको रुपमा रहेको सीआरवीटीका लागी नयाँ गीतहरु अपलोड सुचारु गर्न आफुहरु प्रयासरत रहेको उहाँले दाबी गर्नुभयो ।
गीत अपलोड सुचारु गर्न संगीत उद्यमीहरुले नेपाल टेलिकमलाई ताकेता गरिरहँदा पनि सुरु हुन सकेको छैन् । संगीत उद्यमी संघका बुढा भन्नुहुन्छ-’हामीलाई तीन दिनमा सिस्टम बन्छ भनिएको पनि १५ दिन बितिसक्यो, अझै सुरु हुन सकेको छैन् ।’

Sunday, December 15, 2013

अब रुकुममा पनि वाइम्याक्स

मेगराज खड्का-रुकुम २४ मंसिर । नेपाल टेलिकमको वाईम्याक्स ईन्टरनेट सेवा सोमबार देखी राप्ती अञ्चलको रुकुममा समेत शुरु भएको छ । वाईम्याक्सको लागि आवश्यक प्राविधिक कार्य सकिए पछि सेवा शुरु भएको नेपाल टेलिकमका ईन्जिनियर विदुर गौतमले जानकारी दिए ।
राप्ती अञ्चलको दाङ, रोल्पा, प्यूठान र सल्यानमा गत बैशाख देखी शुरु भएको वाईक्याक्स सेवाका लागि सदरमुकाम खलंगामा विटिस जडान गरिएको छ । सेवा शुरु भएपछि अव रुकुममा पनि अत्याधुनिक प्रविधीको ईन्टरनेट सेवा प्रयोग गर्न सकिने भएको छ ।
वाईम्याक्स ईन्टरनेट चलाउनको लागि आवश्यक उपकरण विभिन्न मोडलमा उपलब्ध भएको र जिल्लाको लागि आधिकारीक व्यक्ति नियुक्त गर्ने कार्य भैरहेको वाईम्याक्सको आधिकारीक विक्रेता यूनिटेक नेटवर्क प्रा.लि.का राप्ती अञ्चल प्रतिनिधी रोशनमान श्रेष्ठले जानकारी दिए ।

Friday, November 15, 2013

Hefty license and frequency fees drags NTC's net profit down by 32.30 percent

ShareSansar, November 15:

Nepal Doorsanchar Company Limited, which operates NT service, has stated that its net profit has dropped by 32.30 percent or Rs 1.18 arba in the first quarter of the current fiscal year 2070/71.

The state-run telecom giant has stated that “the decrease in profit is substantially due to statutory obligation (increase in license fee and frequency fee) paid by the company.”

Despite posting a remarkable growth in total income of Rs 10.03 arba in the first quarter, up from Rs 9.85 arba in the corresponding quarter, increase in expenditures, especially the license and frequency fees, stunted NTC’s net profit.

It had to pay Rs 1 arba in license fee and Rs 24.96 crore in frequency fee, which in the corresponding quarter was only Rs 67.34 lakh in license fee and Rs 10 crore in frequency fee.

The EPS of the largest capital-based company listed in the stock market stands at Rs 65.55 and net worth per share at Rs 373.64. It has a current ratio of 1.47.

Thursday, November 14, 2013

लाइसेन्स शुल्क बढेपछि टेलिकमको मुनाफा घट्यो

Onlinekhabr.com २९ कात्तिक, काठमाडौं । अधिकांश सरकारी स्वामित्व रहेको नेपाल टेलिकमको प्रतिस्पर्धात्मक क्षमता अभिवृद्धि गर्न वैदेशिक साझेदार भित्राउने निर्णय कार्यन्वयनमा ढिलाई भइरहँदा कम्पनीको वित्तीय स्वास्थ्य क्रमशः कमजोर बन्दै गएको छ । चालु आवको साउनदेखि असोजसम्म कम्पनीले २ अर्ब ४५ करोड ८१ लाख रुपैयाँमात्र खुद मुनाफा गरेको छ । जुन मुनाफा गत आवको सोही अवधिको तुलनामा ३२ प्रतिशतले कम हो । गत आवको साउनदेखि असोजसम्म कम्पनीले ३ अर्ब ६३ प्रतिशत खुद आम्दानी गरेको थियो ।
nepal-telecomयसरी, नाफा घट्नुमा सरकारले वृद्धि गरेको लाइसेन्स शुल्क मुख्य जिम्मेवार रहेको टेलिकमले जनाएको छ । गत आवको पहिलो त्रैमासमा कम्पनीले ६८ लाख रुपैयाँ मात्र लाइसेन्स शुल्क बुझाएकोमा यो त्रैमासमा १ अर्ब रुपैयाँ बुझाउनुपरेको टेलिकमले उल्लेख गरेको छ । त्यस्तै, फि्रक्वेन्सी शुल्क पनि १० करोड रुपैयाँबाट २५ करोड रुपैयाँ पुगेको छ । यसबाहेक नाफा घट्नुमा प्रशासनिक खर्च र कर्मचारी खर्चमा भएको उच्च वृद्धि पनि जिम्मेवार रहेको देखिन्छ ।
गत आर्थिक वर्षमै घटेको कम्पनीको प्रतिशेयर आम्दानी यो आर्थिक वर्षको पहिलो त्रैमासिक नतिजाले अझ तिब्र गतिमा घट्ने देखाएको छ । कम्पनीको कुल आम्दानी बढ्दा समेत खुद मुनाफा घट्नुले कम्पनीको व्यस्थापकीय क्षमता कमजोर बन्दै गएको संकेत गर्ने विश्लेषकहरु बताउँछन् । कम्पनीले गत आवको साउनदेखि असोजसम्म ९ अर्ब ८४ करोड ६२ लाख रुपैयाँ कुल आम्दानी गरेकोमा समिक्षा अवधिमा १९ करोड रुपैयाँ बढी १० अर्ब ३ करोड ९ लाख रुपैयाँ कुल आम्दानी गरेको छ ।
कम्पनीको प्रतिशेयर आम्दानी पनि घटेको छ । गत आवको पहिलो ३ महिनामा ९६ रुपैयाँ ८३ पैसा रहेको कम्पनीको प्रतिशेयर आम्दानी समिक्षा अवधिमा घटेर ६५ रुपैयाँ ५५ पैसा भएको छ । कम्पनीको मूल्य आम्दानी अनुपात ९.२६ गुणा, प्रतिशेयर नेटवर्थ ३७३ रुपैयाँ ६४ पैसा रहेको छ ।

न कुनै चाडपर्व न कुनै अवसर... हामि दिन्छौ सेवामा भारी छुट.., आगामी तिन महिना पाउनुहोस् छुटै छुट !!!


Friday, November 1, 2013

१५ दिनदेखि टेलिकम प्रबन्ध निर्देशक रिक्त


कारोबार संवाददाता, काठमाडौं, १४ कात्तिक - नेपाल दूरसञ्चार कम्पनी (टेलिकम) मा २ सातादेखि प्रबन्ध निर्देशक रिक्त छ । अमरनाथ सिंहको असोज २५ मा पदावधि सकिएपछि पनि सरकारले अर्काे नियुक्ति नगर्दा महत्वपूर्ण निर्णय लिन समस्या हुने टेलिकमले जनाएको छ ।सिंह विगतमा ३ पटकसम्म प्रबन्ध निर्देशक भएका थिए । टेलिकममा सेवाअवधि अझै बाँकी रहेका सिंह निमित्त प्रबन्ध निर्देशकको रूपमा कार्यरत छन् । प्रबन्ध निर्देशक (प्रमुख कार्यकारी अधिकृत) जस्तो जिम्मेवारीपूर्ण पद खाली रहँदा दूरसञ्चार क्षेत्रको प्रतिस्पर्धासँग जुध्न कठिन हुने टेलिकमका सञ्चालक टंकलाल श्रेष्ठ बताउँछन् । कम्पनीको विनियमावलीअनुसार समयावधि सकिए पनि अर्काे व्यवस्था नहुन्जेल वरिष्ठताको आधारमा सिंहले निमित्त प्रबन्ध निर्देशकको रूपमा काम गरेका हुन् । सूचना तथा सञ्चार मन्त्रालयका अनुसार पुनः सिंहलाई नै सिफारिस गरी मन्त्रिपरिषद् पठाइको छ । तर, सिहंको उमेर हदसम्बन्धमा परेको उजुरीमाथि भने अख्तियार दुरुपयोग अनुसन्धान आयोगले छानबिन गरिरहेको छ । अख्तियार प्रवक्ता श्रीधर सापकोटाले आवश्यक कागजातमाथि अनुसन्धान भइरहेकोे बताए ।टेलिकमका कर्मचारी युनियनहरूले भने समयसापेक्ष विकास प्रविधिलाई आत्मसात् गर्नसक्ने नयाँ व्यक्तिलाई नेतृत्व दिनुपर्नेमा जोड दिएका छन् ।

Sunday, October 27, 2013

प्राधिकरणको रिपोर्टले ल्यायो विवाद, सबैभन्दा बढी राजस्व तिर्ने एनसेल- नेपाल टेलिकम द्वारा प्रस्टीकरण

७ कात्तिक, काठमाडौं । गत आर्थिक वर्ष २०६९/७० मा दूर संचार सेवा प्रदायक कम्पनीले विभिन्न शीर्षकमा

सरकारलाई ४२ अर्ब ३९ करोड रुपैयाँ राजस्व बुझाएका छन् । हाल नेपालमा ६ टेलिकम कम्पनी सञ्चालनमा छन् । कम्पनीहरुले सरकारलाई बुझाएको राजस्वको वृद्धिदर पनि उच्च रहेको नियामक नेपाल दूर संचार प्राधिकरणको प्रतिवेदनबाट देखिन्छ । एनसेलले अघिल्लो वर्षको तुलनामा दोब्बर राजस्व बुझाएको छ भने नेपाल टेलिकमले सामान्य वृद्धि हासिल गरेको छ । अघिल्लो वर्ष दोस्रो नम्बरमा रहेको एनसेल गत वर्ष सबैभन्दा बढी कर तिर्ने टेलिकम बनेको छ । आवमा एनसेलले २५ अर्ब ७६ करोड रुपैयाँ राजस्व बुझाएको छ, जुन सबै दूर संचार कम्पनीले बुझाएको कूल राजस्वमा ६१ प्रतिशत हो । अघिल्लो आवमा एनसेलले ११ अर्ब २३ करोड र नेपाट टेलिकमले १२ अर्ब ३८ करोड रुपैयाँ राजस्व बुझाएका थिए । ९५ प्रतिशत सरकारी स्वामित्व रहेको नेपाल टेलिकमले गत आवमा १५ अर्ब ४४ करोड रुपैयाँ राजस्व बुझाएको छ । त्यस्तै, युनाइटेड टेलिकम लिमिटेड -यूटीएल) ले गत आवमा सरकारालई ५८ करोड ४३ लाख रुपैयाँ राजस्व बुझाएको छ । अघिल्लो आवमा उक्त कम्पनीले राजस्व बुझाएको थिएन । स्मार्ट टेलिकमले आव २०६८/०६९ मा १४ करोड ७३ लाख रुपैयाँ राजस्व बुझाएकोमा गत वर्ष दोब्बरभन्दा बढी ३३ करोड ४५ लाख रुपैयाँ बुझाएको छ । नेपाल सेटलाइट टेलिकमले अघिल्लो आवमा ६ करोड ९७ लाख रुपैयाँ राजस्व बुझाएको थियो भने गत वर्ष झण्डै तीन गुणा बढाएर १९ करोड ३९ लाख रुपैयाँ पुर्‍याएको छ । त्यस्तै, एसटिएम टेलिकम सञ्चारले अघिल्लो आवमा ४ करोड र गत आवमा ७ करोड ३४ लाख रुपैयाँ राजस्व बुझाएको प्रतिवेदनमा उल्लेखछ ।

टेलिकम क्षेत्रबाट सरकारले पाउने राजस्वमा उल्लेख्य वृद्धि हुनुको कारण टेलिकम सेवा प्रयोगकर्ताको संख्या बढ्नु हो । कम्पनीहरुले प्रतिइकाइ सेवाको मूल्य घटाउँदै लगेका छन् तर कूल कारोबार बढेका कारण राजस्व पनि बढेको हो । गत आवको अन्तमा टेलिकम सेवा लिने ग्राहक संख्या २ करोड १३ लाख पुगेको प्राधिकरणले जनाएको छ । गत आवमा कम्पनीहरुले तिरेको कूल करमा सबैभन्दा ठूलो हिस्सा भ्याट रहेको छ । कम्पनीहरुले मुनाफाबापत तिर्ने आयकर र उपभोक्ताले तिर्ने सेवा शुल्कको योगदान पनि उल्लेख्य रहेको छ । कम्पनीहरुले आयकर ७ अर्ब ९४ करोड, भ्याट १० अर्ब ४६ करोड, ग्रामीण दूरसंचार विकास कोष १ अर्ब १५ करोड, भन्सार १ अर्ब ७६ करोड र रोयल्टी १ अर्ब ४८ करोड बुझाएका छन् । त्यस्तै, फि्रक्वेन्सी शुल्क ३ अर्ब ५५ करोड, टीडीएस २ अर्ब ५५ करोड, दूरसञ्चार सेवा शुल्क ४ अर्ब ४७ करोड, स्वामित्व कर ९५ करोड ६९ लाख र सम्पत्ति तथा सवारी साधन कर २ लाख ५८ हजार रुपैयाँ उनीहरुले सरकारलाई बुझाएका छन् । गत आवमा लाइसेन्स नविकरणको लागि एनसेले ५ अर्ब र नेपाल टेलिकिमले २ अर्ब ५ करोड रुपैयाँ तिरेका छन् ।


सबै फोन नम्बर अब १० अंकका

सरस्वती ढकाल, कारोबर सम्बाददाता
काठमाडौं, १० कात्तिक- नेपाल दूरसञ्चार प्राधिकरणले आगामी आर्थिक वर्षदेखि नयाँ राष्ट्रिय नम्बरिङ योजना लागू गर्दै सबै फोन नम्बर १० अंकको बनाउने भएको छ मोबाइल, तारमा आधारित टेलिफोन, लिमिटेड मोबिलिटी, ग्रामीण दूरसञ्चार, फिक्स्ड वायरलेसलगायत सबै सेवामा अब १० ‘डिजिट’ हुनेछन् । हाल मोबाइल नम्बर १० अंककै भए पनि तारमा आधारित टेलिफोनमा ९ वटा (जिल्ला कोडसहित) मात्रै अंक छन् । नयाँ राष्ट्रिय नम्बरिङ योजनाको मस्यौदा तयार भइसकेकाले सरोकारवालाको राय, सुझाव तथा प्रतिक्रियापछि आगामी आवबाट लागू गर्ने तयारी प्राधिकरणको छ । तारमा आधारित सबै टेलिफोनको सुरुमा ‘२०’ अंक थपिनेछ । मोबाइलका लागि सुरुका अंक ‘९’ र २ अंकको अपरेटर कोडसहित १० अंक हुनेछ । हालसम्म ‘९८’ पछि एक अंकको अपरेटर कोड र त्यसपछि ग्राहक नम्बरसहित १० अंक रहँदै आएको छ । “यो योजना सञ्चालनपछि जीएसएम र सीडिएमए ग्राहकको नम्बर भने समान रहनेछ,” प्राधिकरणका निर्देशक आनन्दराज खनालले भने, “दूरसञ्चार क्षेत्रमा विकसित हुँदै गएको नयाँ प्रविधि, प्रतिस्पर्धा तथा बढ्दो ग्राहक संख्या विचार गर्दा नयाँ राष्ट्रिय नम्बरिङ योजना आवश्यक भएको हो ।”

Wednesday, October 23, 2013

Ncell overtakes Nepal Telecom as largest taxpayer


POST REPORT KATHMANDU, OCT 23
The government’s revenue collection from telecom companies soared in the last fiscal year 2012-13. According to the Nepal Telecommunications Authority (NTA), six telecom companies paid Rs 35.34 billion in taxes under different heads. Ncell accounted for more than 50 percent of this figure, pouring Rs 20.76 billion into the government coffers. State-owned Nepal Telecom (NT) chipped in Rs 13.39 billion, according to the NTA. As per the latest figures, Ncell has overtaken NT as the largest taxpayer in the sector. “There has been a massive growth in tax payments mainly due to the increased earnings of Ncell,” said Purushottam Khanal, director of the NTA. He added tax payments by all the telecom companies had been increasing along with their rising subscriber base. The number of users of telecom services reached 21.3 million by the end of the last fiscal year, up from 17.2 million a year ago. Milan Sharma, corporate communication expert of Ncell, said that tax payments to the government had soared with an increase in business volume and frequency fees. “Revenue has grown along with the user base,” he added. As per the NTA, the Rs 35.34 billion in taxes collected in the last fiscal year were advance income tax (Rs 7.94 billion), value added tax (Rs 10.46 billion), customs duty (Rs 1.76 billion), royalty (Rs 1.48 billion), contribution to the Rural Telecommunication Development Fund (Rs 1.15 billion), frequency fee (Rs 3.55 billion), tax deduction at source (Rs 2.55 billion), telecom service charge (Rs 4.47 billion), ownership tax (Rs 950.69 million) and property and vehicle tax (Rs 258,240). Tax collection from other companies Smart Telecom, Nepal Satellite Telecom and STM Telecom Sanchar has also gone up. NTA said a rise in the number of users, pricing for additional spectrum being used by the operators and fixing of 3G spectrum fee were the reasons behind the growth in tax collection from telecom companies. Ncell and NT paid Rs 1.92 billion as 3G spectrum fee in the last fiscal year. The taxes paid by the telecom companies do not include the Rs 6 billion paid by NT to the government as dividend and the Rs 5 billion paid by Ncell and the Rs 2.5 billion paid by NT as part payment of their licence renewal fee. REVENUE CONTRIBUTION COMPARED Operator 2012-13 2011-12 Ncell Rs 20.76b Rs 11.23b Nepal Telecom Rs 13.39b Rs 12.38b United Telecom Limited Rs 584.27m — Smart Telecom Rs 334.75m Rs 147.26m Nepal Satellite Telecom Rs 193.86m Rs 69.68m STM Telecom Sanchar Rs 73.45m Rs 39.59m
(Source: Nepal Telecommunications Authority) telecom sector revenue

Monday, October 21, 2013

८२ प्रतिशतमा टेलिफोनको पहुँच

काठमाडौं, नागरिक  - बुधबार २३ असोज, २०७०प्रकटकुमार शिशिर
कूल जनसंख्याको ८१ दशमलव ७२ प्रतिशतमा टेलिफोनको पहुँच पुगेको छ। नेपाल दूरसञ्चार प्राधिकरणले मंगलबार सार्वजनिक गरेको गत साउनसम्मको तथ्यांकअनुसार नेपालमा २ करोड १६ लाख ५१ हजार १ सय २२ जना टेलिफोन प्रयोगकर्ता छन्। पोहोर भदौदेखि यो साउनसम्ममा १४ दशमलव ५७ प्रतिशत नयाँ टेलिफोन प्रयोगकर्ता थपिएका छन्। फिक्स्ड टेलिफोन प्रयोग गर्नेको हिस्सा ३ दशमलव २० प्रतिशत छ। मोबाइल प्रयोगकर्ताको हिस्सा ७२ दशमलव ५८ प्रतिशत छ। त्यस्तै अन्य (एलएम, जिएमपिसिएस) मोबाइल प्रयोग गर्नेको संख्या ५ दशमल ९४ प्रतिशत छ। विभिन्न प्रकारका टेलिफोन सेवा प्रदान गरेको नेपाल टेलिकमले पछिल्लो केही वर्षदेखि आफ्नो बजार हिस्सा गुमाउँदै गएको छ। टेलिकमको बजार हिस्सा भ्वाइस र डाटा सेवा दुवैमा गुम्दै गएको प्रतिवेदनले देखाउँछ। टेलिकमलाई निजी क्षेत्रको मोबाइल सेवा प्रदायक एनसेलले पछि पारेको छ। एनसेलको जिएसएम मोबाइल प्रयोगकर्ता १ करोड ६८ लाख ९ हजार ८ सय ५२ छन्। यो कूल जनसंख्याको ४९ प्रतिशत हो। नेपाल टेलिकमको बजार हिस्सा ४३ प्रतिशत छ। टेलिकमको फिक्स्ड, वायरलेस, जिएसएम, सिडिएमए सेवा गरेर ९३ लाख ६ हजार ६ सय ७८ ग्राहक छन्। टेलिकमको जिएसएम मोबाइल प्रयोग गर्नेको संख्या ७५ लाख ८४ हजार १ सय १३ छ। युटिएलको टेलिफोन प्रयोगकता ७ लाख २३ हजार २ सय ८७ छन्। एसटिपिएलको टेलिफोन प्रयोग गर्ने ७ लाख ७४ हजार ४ सय ८० छन्।  नेपाल टेलिकमकी प्रवक्ता गुणकेशरी प्रधानले टेलिकमले बजार हिस्सा बढाउन विभिन्न समयमा विभिन्न अफर, योजना र स्किम ल्याउँदै आएको बताइन्। अहिले हामीले प्रवर्द्धनात्मक कार्यक्रमसहित अफर र छुट प्रदान लागिरहेका छौं, गुणस्तर बढाउने काम पनि भइरहेको छ,' उनले भनिन्। उनका अनुसार टेलिकममा रणनीतिक साझेदार आउन लागेको छ। 'त्यसपछि हामी झन् आक्रामक शैलीमा आउँछौं,' प्रवक्ता प्रधानले भनिन्।  टेलिकम डाटा सेवामा पनि दोस्रो स्थानमा छ। इन्टरनेट बजारमा ५० प्रतिशत एनसेलको र नेपाल टेलिकमको ४८ प्रतिशत बजार हिस्सा छ। एक प्रतिशत युटिएलको र एक प्रतिशत अन्य इन्टरनेट सेवा प्रदायक कम्पनीको बजार हिस्सा रहेको प्रतिवेदनमा छ। कूल जनसंख्यामा इन्टरनेट प्रयोग गर्नेको हिस्सा २६ दशमलव ९३ प्रतिशत छ। एक वर्षको अवधिमा इन्टरनेट प्रयोगकर्ता ७ दशमलव ३३ प्रतिशतले बढेका छन्।  नेपाल दूरसञ्चार प्राधिकरणका प्रवक्ता कैलाश न्यौपानेले देशको सबै भेगमा टेलिफोनको पहुँच पुगेको बताए। 'सेवा प्रदायकले विगतमा सहरमुखी प्रतिस्पर्धा गर्थे तर पछिल्लोपटक ग्रामीण क्षेत्रलाई लक्ष्य गर्दै सेवा दिन थालेपछि पहुँच पनि बढिरहेको छ,' उनले भने। अब सेवाको गुणस्तर र मूल्यमा ध्यान दिन जरुरी रहेको उनले बताए। 'टेलिफोन सेवा सामान्य नागरिकले पनि उपभोग गर्ने किसिमले सस्तो भयो भने पहुँच अझ बढ्छ,' उनले भने, 'त्यसैले सेवा प्रदायकले यतातिर सोच्नुपर्छ।'

Sunday, October 6, 2013

बिजया दशमी २०७० को पावन अवसरमा सम्पूर्ण ग्राहक वर्ग तथा शुभचिन्तकहरुमा मंगलमय शुभकामना

बिजया दशमी २०७० को पावन अवसरमा सम्पूर्ण ग्राहक वर्ग तथा शुभचिन्तकहरुमा सुख, शान्ति, सम्वृद्धि तथा उत्तरोत्तर प्रगतिको मंगलमय शुभकामना ब्यक्त गर्दछौ . यसै अवसरमा कम्पनिले आफ्ना विभिन्न सेवामा निम्न छुट समेत प्रदान गरेको सहर्ष जानकारी गराउंदछौ .
छुटको विवरणको लागि यहाँ जानुहोस 


Saturday, October 5, 2013

टेलिकमको दशैं-तिहारमा आकर्षक छुट अफर

2013-10-04-22-18-59-nepal-telecom-ntc.jpg
काठमाडौं । hari thapa-hourwin.com नेपाल टेलिकमले बडादशैं तथा शुभदिपावलीको अवसरमा ग्राहकहरुलाई आफ्ना सेवामा आकर्षक छुट उपलब्ध गराउने भएको छ । कम्पनीले विगतका दशैं९तिहारमा जस्तै यस वर्ष पनि आफ्ना सेवाहरुमा छुट उपलब्ध गराउन लागेको हो । कम्पनीले जिएसएमरसीडीएमए सेवामार्फत कम्पनीकै नेटवर्कभित्र हुने एसएमएस सेवाको विद्यमान महसुलमा ५० प्रतिशत छुट उपलब्ध गराउने जनाएको छ । यो छुट असोज २४ गतेदेखि कार्तिक १ गतेसम्म र कार्तिक १६ गतदेखि २३ गतेसम्ममात्र लागु हुने बताइएको छ । त्यस्तै, पिएसटिएनरसी९फोन पोष्टपेड फिक्स्ड सेवाका ग्राहकहरुलाई न्युनतम मासिक महसुल २ सय रुपैयाँमा १७५ स्थानिय कल निःशुल्क उपलब्ध गराइरहेकोमा आश्विन र कार्तिक महिनामा २५ स्थानिय कल थप गरी न्यूनतम मासिक महसुलमा कुल २ सय कल निःशुल्क उपलब्ध गराएको कम्पनीले जानकारी दिएको छ ।

कम्पनीले जिएसएमरसीडीएमए प्रिपेड तथा पोष्टपेड मोबाइल सेवाको विद्यमान महसुल दरमा १० प्रतिशत छुट प्रदान गरेको छ । यो छुट असोज २४ गतेदेखि कार्तिक १ गतेसम्म र कार्तिक १६ गतदेखि २३ गतेसम्ममात्र उपलब्ध हुनेछ । असोज १८ गतेदेखि कार्तिक १ गतेभित्र एडीएसएल अकाउन्टको समयावधि समाप्त हुने ग्राहकहरुको समयावधि कार्तिक ३ गतेसम्म थप गरिएको कम्पनीले जनाएको छ । पिएसटिएन, सीडीएमए प्रिपेड पोष्टपेड फिक्स्ड तथा भिएसएटीबाट हुने अन्तरदेशीय कल ९अञ्चल भित्र तथा अञ्चल बाहिर० को विद्यमान महसुल दरमा असोज २४ गतेदेखि कार्तिक १ गतेसम्म र कार्तिक १६ गतदेखि २३ गतेसम्म १० प्रतिशत छुट प्रदान गरिएको छ । कम्पनीका अनुसार छुटपश्चात उक्त सेवाको महसुल दर प्रतिमिनेट ९० पैसा हुनेछ । सीडीएमए ई९भिडियोरपीडीएसएन सेवाका ग्राहकहरुलाई असोज १९ गतेदेखि कार्तिक १ गतेसम्म तथा कार्तिक १६ गतेदेखि २३ गतेसम्म विद्यमान महसुल दर ५० पैसा प्रति एमबीमा २० प्रतिशत छुट प्रदान गरिएको कम्पनीले जनाएको छ ।

किन अवरुद्ध हुन्छ टेलिकमको मोबाइल सेवा ?

Krishna Abiral कृष्ण अविरल, तीन दशकअघिको कुरा । जतिखेर तात्कालीन अधिराजकुमार ज्ञानेन्द्रको स्वामित्वको सूर्य टोबाको कम्पनी, सिमराले उत्पादन सुरु गर्न लागेको थियो । कम्पनीले जनकपुर चुरोट कारखानाका चार-पाँच ट्रक चुरोट किन्यो र चिसो गोदाममा थन्क्यायो । केही महिनापछि ढुसी आएर गुणस्तरहीन बन्यो, त्यसपछि उसले त्यो चुरोटलाई जनकपुर चुरोट कारखानाका वितरणतर्फका कर्मचारीमार्फत् बजारभरी छर्‍यो । ठस्स गन्हाउने अवस्थामा पुगिसकेको त्यो चुरोटका कारण उपभोक्ता रुष्ट भए । विकल्पमा सूर्य टोबाकोका उत्पादन रोज्न थाले । याक, गैंडा, देउराली आदिको लोकपि्रयता सधैंका लागि ध्वस्त भयो । ओरालो लागेको जचुकाली त्यसपछि कहिल्यै माथि उक्लिन सकेन । ०४६ सालपछि हुर्केको राजनीतिक चलखेल र कर्मचारीहरुको कलहले त त्यसलाई टाटपल्टिएर बन्द हुने अवस्थामै पुर्‍यायो । यसका केही कर्मचारी रातारात जुकासरि मोटाए । केही त आकर्षक तलबसहित सूर्य टोबाकोमै स्थानान्तण भए । उदयपुर र हेटौंडा सिमेन्ट उद्योगमा पनि केही वर्ष यता यही रोग सल्केको छ । गुणस्तरीय मानिने यी उद्योगका उत्पादन बजारमा हातोहात बिक्छन् । उपभोक्ताले यी उद्योगका उत्पादन पाएसम्म अरु उद्योगको उत्पादन किन्न पनि चाहँदैनन्, व्यापारीहरु बेच्न चाहँदैनन् । तर यी उद्योगहरु क्षमता विस्तारको त कुरै छाडौं, क्षमताअनुसारको उत्पादनसमेत गर्न नसकेर थला परिरहेका छन् । बैंकबाट चर्को व्याजमा ऋण लिएर स्थापना गरिएका निजी सिमेन्ट उद्योगहरु रातारात मालामाल भइरहेका बेला उदयपुर र हेटौंडा उद्योगको कर्मचारीतन्त्र भने उद्योगलाई घाटामा चलाउनमा आनन्द मानिरहेको छ । विदेशीले स्थापना गरिदिएका नाफामूलक उद्योग पनि चलाउन नसक्ने निर्लज्ज जातिको रुपमा हामी नेपालीको पहिचान स्थापित गर्नमा लागिपरिरहेको छ ।

Friday, October 4, 2013

टेलिकमलाई रणनीतिक साझेदारी भित्राउने बाटो खुल्ला

१८ असोज, काठमाडौं, OnlineKhabar.com । नेपाल टेलिकमले विदेशी रणनीतिक साझेदारी भित्राउन सैद्धान्तिक स्वीकृति प्राप्त गरेको छ । सूचना तथा सञ्चार मन्त्रालयबाट गएको प्रस्तावमा छलफल गर्दै मन्त्रिपरिषदको वैठकले टेलिकमलाई साझेदारी भित्राउन स्वीकृति दिने निर्णय गरेको हो । निर्णयसँगै टेलिकमलाई रणनीतिक साझेदार भित्राउन बाटो खुल्ला भएको छ । निजी क्षेत्रका दूरसञ्चार सेवा प्रदायक कम्पनीसँग प्रतिस्पर्धात्मक क्षमता विस्तार गर्न टेलिकममा रणनीतिक साझेदारी भित्राउने तयारी गरिएको थियो । साझेदार भित्राउने काम अघि बढाउन सरकारले परामर्शदाता नियुक्त गर्ने काम पनि अगाडी बढाएको छ । अन्तर्राष्ट्रिय परामर्शदाता छनोट गरिसकेपछि रणनीतिक साझेदार, प्रकृति र साझेदारी लगायतका विषयमा टुंगो लाग्ने बताइएको छ । ९१ दशमलव ५ प्रतिशतभन्दा बढी सरकारी स्वामित्व रहेको टेलिकममा विदेशी रणनीतिक साझेदार ल्याउने चर्चा ४ वर्षदेखि चलिरहेको थियो । नेपाली बजारमा लामो समय एकलौटी रुपमा अधिपत्य जमाएको आएको टेलिकमलाई पछिल्लो समय निजी क्षेत्रका कम्पनीहरुले उछिन्न थालेका छन् । दुरसञ्चार सेवा प्रदायक संस्थाहरुको संख्या बढ्दै जान थालेपछि टेलिकमको बजार हिस्सा अहिले साँघुरिदै गइरहेको छ । टेलिकमले आफ्ना सेवाहरुको गुणस्तर वृद्धि गर्न नसकेपछि नेपाल टेलिकममा ग्राहकहरु पछिल्लो समय डाइभर्ट हुँदै गइरहेका छन् । रणनीतिक साझेदार भित्राएर सेवा गुणस्तरीय बनाउनुका साथै नयाँ नयाँ सेवाहरु संचालन गर्ने सरकारको तयारी रहेको छ । नेपालमा सबैभन्दा बढी कर तिर्ने कम्पनी टेलिकम पछिल्लो वर्ष दोस्रो सबैभन्दा ठूलो दूरसञ्चार सेवा प्रदायक कम्पनी बनेको छ । परामर्श दाताको छनोट भएपछि त्यसले कम्पनीको विस्तृत अध्ययन गर्ने छ । कम्पनीको विस्तृत अध्ययनपछि साझेदार भित्राउनका लागि आहृवान गरिने बताइएको छ ।

Monday, September 23, 2013

11 percent of Nepalis have internet access: UN report

KATHMANDU POST, SEP 24 - Nepal has been ranked in the 148th position among 192 countries in terms of the percentage of population having access to internetservice. The report entitled The State of Broadband 2013 published by the UN Broadband Commission states that 11.1 percent of Nepalis use the internet Compared to the 2012 rankings, Nepal has slipped nine places. Last year’s report on broadband access worldwide had put Nepal in the 139th position with internet penetration at 9 percent. Even though the country has experienced rapid development in the telecom sector during the last one decade, it has lagged behind in extending fixed and mobile broadband connection to a wider section of the population. The report has put Nepal in the 136th position, down from the 127th spot last year, on the basis of fixed broadband lines provided. Fixed broadband, also known as wired broadband service which includes cable internet , ADSL and cable modem, has reached 0.4 per 100 inhabitants. Similarly, the country is in the 99th position among 128 developing countries with 4.1 percentage of the households having internet connection. Officials at the Nepal Telecommunications Authority (NTA) said that the sector could not progress at the pace of international economies that resulted in Nepal slipping in the international rankings. “Due to growing competition and the entry of new operators, mobile broadband will witness good growth in the days to come,” said Ananda Raj Khanal, director of the NTA.  

Wednesday, September 18, 2013

डाटा अन पैसा अफ

काठमाडौ, कान्तिपुर आश्विन १ -प्रकाशित मिति: २०७० आश्विन १ ०९:०० पछिल्लो समयमा नेपाल टेलिकमले उपलब्ध गराएको मोबाइल तथा इन्टरनेट सेवा चर्चामा छ। विशेषतः तीव्र गतिमा इन्टरनेट चलाउन, डाटा अपलोड र डाउनलोड गर्न, वेबसाइट ब्राउज गर्न तथा युट्युबमा भिडियो हेर्न टेलिकमको मोबाइलबाट सहज भएपछि यसका प्रयोगकर्ता निकै हौसिएका छन्। टेलिकमले हाल पुराना बिटिएस टावर विस्थापन गरी नयाँ टावर राख्ने कार्य गरिरहेको छ। टेलकमले जेडटिई कम्पनीका पुराना टावर विस्थापन गरी हुवावे कम्पनीका बिटिएस टावर राखेको हो। यसो गर्दा काठमाडौंमा मात्रै करिब २० लाख थि्रजी प्रयोगकर्तालाई सेवा दिने गरी क्षमता विस्तार गर्ने र केही महिनामै काठमाडौंमा करिब ५ लाख ग्राहक पुर्‍याउने योजना टेलिकमको छ। हाल थि्रजी प्रयोगकर्ताको संख्या १ लाख ३० हजारको हाराहारी छ। मोबाइल र डाटा सेवाको यो गुणस्तर अभिवृद्धि योजना सफल भएपछि यसबाट हुने आम्दानी हालको तुलनामा तीन गुणासम्म बढ्ने कम्पनीको प्रक्षेपण छ। यसको सकारात्मक असर पनि देखिन थालेको छ। पहिले नेपाल टेलिकमको जिएसएम मोबाइलमा भएको डाटा कनेक्सन स्पिड अलि कम भएकाले धेरैले एनसेलको सीम प्रयोग गरेको पाइन्थ्यो। एनसेलका प्रयोगकर्ता डाटा स्पीडबाट खुसी त थिए, तर धेरै पैसा काटिएको गुनासो भने गरिरहन्थे। पछिल्लो समयमा टेलिकमको डाटाका बारेमा पनि कसैले नबुझेरै त्यस्तो गुनासो गर्ने गरेको सम्बद्ध स्रोतको भनाइ छ।

Friday, September 13, 2013

टेलिकमको मोबाइलमा सूचनाबिनै जबर्जस्ति ऋण

काठमाडौं, २७ भदौ- नेपाल टेलिकमले ग्लोबल सिस्टम फर मोबाइल (जीएमएम) प्रिपेड डेटा सेवामा पोस्टपेड महसुल लिन थालेपछि उपभोक्ता समस्यामा परेका छन् । १ महिनायता थ्रीजी इन्टरनेट सेवामा सुधार आएपछि सर्वसाधारणबाट केही सकारात्मक प्रतिक्रिया पाएको टेलिकमले बिनासूचना मोबाइल ब्यालेन्स काट्न थालेपछि तिनै उपभोक्ता आक्रोशित भएका छन् । शून्य ब्यालेन्स भए पनि पछि काट्ने गरी टेलिकमले डेटा सेवामा ‘बिलिङ’ गर्दै आएको छ, जसको छनक उपभोक्तालाई हुँदैन । न्यूनतम ऋण ५० रुपैयाँ पुग्दा मोबाइलमा एक्कासि सन्देश आएपछि मात्रै उपभोक्ताई यसबारे थाहा हुन्छ । यस्ता समस्या लिएर टेलिकम कार्यालयमा धाउनेको संख्या बढ्दो छ । प्रिपेड मोबाइलमा बिनासूचना पोस्टपेडझैं महसुल लिनु उपभोक्ता अधिकार र कानुनविपरीत हो । प्रिपेड सेवामा पोस्टपेड महसुल लिँदा नियामक निकाय दूरसञ्चार प्राधिकरणसँग अनुमति लिनुपर्ने नियम भए पनि टेलिकमले लिएको छैन । कतिपय प्रयोगकर्ताले फेसबुक, ट्विटरजस्ता सामाजिक सञ्जालमार्फत कम्पनीप्रति आक्रोश पोखेका छन् । “मैले नचाहेर टेलिकमले मलाई ऋण दिन पाउँछ ? मैले नमागिकनै ऋण लैजा भनेर जबर्जस्ती भिराउन पाउँछ ?” फेसबुकमा शनिबार एक उपभोक्ताले लेखे । त्यसमा अर्का थपिए, “थाहा नदिई ब्यालेन्स माइनसमा राख्दिने र पछि पैसा माग्ने ठग नै हो । टेलिकमको टेक्निकल कमजोरी होस् कि जेसुकै होस्, हामीलाई के मतलब ? यो फल्टलाई सुविधा दिएको भनेर गरिएको विश्लेषण वाहियात हो ।”

Monday, September 9, 2013

अब निशुल्क सीडीएमए थ्रीजी

NT_CDMA_3G
Doorsanchar.comनेपाल टेलिकमले आफ्ना सीडीएमएका ग्राहकहरुलाई सित्तैमा थ्रीजी सीडीएमए दिन लागेको छ। टेलिकमले पुराना सीडीएमए प्रयोगकर्तालाई मात्र थ्रीजी सीडीएमए सित्तैमा दिन लागेको हो। टेलिकमको सीडीएमए प्रयोग गरिरहेका पुराना प्रयोगकर्तालाई नयाँ सेवामा सित्तैमा प्रवेश दिनका लागि टेलिकमले यो अवसर दिन लागेको जनाएको छ। जसमा पुराना ग्राहकले पुरानो सीडीएमए रीम दिएर नयाँ आईपी सीडीएमए रिम पाउने छन्। आफूसँग भएको सीडीएमएको पुरानो रीम टेलिकमलाई दिएर सोही नम्बरको नयाँ रीम निःशुल्क लिन सकिने टेलिकमका उपमहाप्रबन्धक अनुपरञ्जन भट्टराईले जानकारी दिए। ‘सबै सीडीएमए प्रयोगकर्तामा थ्रिजीको पहुँच पुरयाउनका लागि निःशुल्क रीम साट्ने योजना ल्याएका हौं,’ उनले भने। टेलिकमले गतसाता देखी नै यसरी रीम साट्ने सुविधा दिन थालेको हो। यसअघि पुरानो रीमसँग सोही नम्बरको नयाँ रीम साट्नका लागि एकसय रुपैंया लाग्ने गर्दथ्यो।इन्टरनेट प्रोटोकलमा आधारित सीडीएमए प्रविधिको जडान गरेपछि टेलिकमले गत माघदेखि २० लाख लाईन आइपी सीडीएमए सेवा वितरण सुरु गरेको थियो। अहिले सम्म टेलिकमका २ लाख आईपी रीम बिक्री भइसकेको छ। आइपी सीडीएमए ३ दशमलव १ एमबीपीएस गतिमा इन्टरनेट सेवाको क्षमता भएको तेस्रो पुस्ता (थ्रीजी)मा आधारित दूरसञ्चार प्रविधि हो।

Sunday, September 8, 2013

दिल्लीबाट नेपाल फोन गर्ने शुल्क आधा कम

देवेन्द्र भट्टराई, kantipur नयाँ दिल्ली, भाद्र २३ - नेपाल टेलिकम र एयरटेलबीच भएको सहमति अनुसार दिल्लीबाट नेपाल फोन गर्न आइतबारबाट लागू हुने गरी महशुल शुल्कमा ५० प्रतिशत कम हुने भएको छ । नेपाल टेलिकमका प्रबन्ध निर्देशक अमरनाथ सिंहका अनुसार भारतबाट नेपाल फोन गर्न प्रति मिनेट औसत १० भारु शुल्क रही आएकोमा आइतबारबाट ५ रुपैंयाँ ४० पैसा (भारु) मात्रै लाग्ने भएको छ ।  देशभित्र मात्रै होइन, बाहिरी देशमा बसेका नेपालीलाई दुरसंचारको सहज पहुँच बिस्तार गर्ने क्रममा दिल्लीबाट यो सहुलियत शुल्कको कार्यान्वयन थालिने भएको हो । 'तत्काल दिल्लीमा मात्रै यो सहुलियत मान्य हुनेछ',सहुलियत शुल्कको प्रबन्धमा सहमति गर्न र यसबारे जानकारी गराउन दिल्ली आएका सिंहले कान्तिपुरसँग भने । यो सहुलियत शुल्कको सुरुवातसँगै निश्चित अवधीका लागि ५४ भारुको रिचार्ज (प्रिपेड) मा १० मिनेट नि:शुल्क कुराकानी गर्ने सुविधा पनि थप गरिएको छ । प्रवासी नेपाली सघं, भारतको पहलमा नेपाल टेलिकम तथा एयरटेलबीच संवाद बढाएर यो सहुलियत मुल्य निर्धारण भएको हो । टेलिकमका सहप्रवक्ता एवं उपप्रबन्धक राजेश जोशीले आपसी समझदारीमा यसरी टेलिफोनको शुल्क निर्धारण हुने बताए । अब छिट्टै खाडी मुलुकहरुबाट नेपालमा फोन गर्दा लाग्ने चर्को मुल्य (मिनेट १४ रुपैंयाँ औसत) घटाउन पनि संवाद बढाइने भएको जोशीले बताए । परिवर्तित शुल्कबारे जानकारी दिन आयोजित समारोहमा प्रवासी नेपाली संघका अध्यक्ष लोकनाथ भण्डारी, महासचिव युवराज बाँस्कोटाले जनहितका निम्ति थुप्रै चरणका वार्ता र सम्वादपछि नयाँ शुल्क निर्धारण भएको बताएका थिए । यो परिवर्तित शुल्क तत्काल दिल्लीमा रहेका ५ लाख नेपाली र अन्य उपभोक्ताका निम्ति लाभप्रद रहेको र आउने दिनमा यो शुल्क भारतभर मान्य गराउन थप चरणमा पहल हुने उनीहरुले बताए ।

Monday, September 2, 2013

फोन प्रिपेड, बिल पोस्टपेड :

काठमाडौ, भाद्र १७ - भारत, बैंगलोरमा पढ्ने राजप्रसाद साह, १९, नेपाल टेलिकम (एनटीसी)को पुल्चोकस्थित कार्यालयमा आफ्नो प्रिपेड मोबाइलमा थ्रीजी इन्टरनेट सेवा नचलेको र जति पैसा हाले पनि ब्यालेन्स नदेखिएको गुनासो गररिहेका भेटिए, ११ भदौमा। टेलिकम कर्मचारीले उनको समस्या सुनाउँदै भने, "तपाईंको क्रेडिट ब्यालेन्स देखियो।" पि्रपेड फोनमा तिर्न बाँकी रकम ! एकछिन त उनी अक्क न बक्क परे। साह अघिल्लो साँझ केही बेर स्मार्ट फोनमा इन्टरनेट चलाएर सुतेका रहेछन्। त्यतिबेला ब्यालेन्स ६० रुपियाँ थियो। बिहान नेट चलेन। पैसा सकियो भनेर सय रुपियाँ रिचार्ज गरेछन्। तैपनि, ब्यालेन्स देखाएन। अनि, एनटीसी आएका रहेछन्। साहको गुनासो नसकिँदै ललितपुर, मंगलबजारमा पसल गर्ने सुरेश महर्जन, २२, उस्तै समस्या लिएर आए। उनको १ सय २५ रुपियाँ क्रेडिट ब्यालेन्स -तिर्न बाँकी) देखियो। पाँच सय रुपियाँ हालिसक्दा पनि इन्टरनेट नचलेपछि उनी टेलिकम आएका रहेछन्। जति पैसा हाल्दा पनि सेवा नखुलेपछि उनलाई बिलिङ् शाखाका कर्मचारीले जाउलाखेलस्थित २०५ नम्बर कोठामा जान निर्देश गरे। टेलिकमको पुल्चोकस्थित मोबाइल सेवा निर्देशनालयमा मात्रै दैनिक दुई सय जना यस्तो समस्या लिएर आउने कर्मचारीहरू सुनाउँछन्। एनटीसीले सिस्टम अपग्रेड भइरहेको हुँदा यस्तो समस्या देखिएको भन्दै अखबारहरूमा सूचना प्रकाशित गरेको छ। तर, निर्देशनालयका निर्देशक सुरेन्द्र थिके त्यसलाई स्वीकार गर्दैनन्। भन्छन्, "टेलिकमको थ्रीजी सिस्टम अपग्रेडसँग यो समस्याको कुनै साइनो छैन।"

Thursday, August 29, 2013

IP CDMA प्रविधिको EVDOमा टेलिकमको डेटा प्याकेज

कारोबर सम्बाददाता, काठमाडौं, १३ भदौ - नेपाल टेलिकमले आइतबारदेखि लागू हुने गरी आईपी सीडीएमए प्रविधिको ईभीडीओ सेवामा ‘भोलुमबेस्ड डेटा प्याकेज’ ल्याएको छ । उपभोक्ताले खरिद गर्न चाहेको डेटा भोलुमका लागि आवश्यक रकम रिचार्ज गरी प्याकेजको नाम लेखेर १४५६ मा एसएमएस पठाउन सकिने टेलिकमले जनाएको छ । बाँकी डेटा भोलुम तथा भ्यालिडिटीबारे जानकारी लिन ‘बीएल’ टाइप गरी १४५६ मा एसएमएस गर्न सकिनेछ । ईभीडीओ डेटा नचल्ने पुराना रिमकार्ड निःशुल्क परिवर्तन गर्न सकिने व्यवस्था पनि गरिएको छ । त्यस्तै, ग्राहकले ईभीडीओ रिमकार्डमार्फत भ्वाइस सेवाका साथै सीडीएमएकोे स्मार्ट मोबाइल फोनसेट, ल्यापटप, डेक्सटप, ट्याब्लेट तथा ईभीडीओ डंगोलमार्पmत ३.१ मेगाबाइट्स प्रतिसकेन्ड क्षमतामा इन्टरनेट चलाउन सक्नेछन् ।
कम्पनीले ईभीडीओ सेवालाई बन्डलिङमार्पmत बिक्री–वितरण गरिरहेको छ । बन्डलिङमार्पmत उपलब्ध हुने यो सेवामा ग्राहकले १ जीबी मेमोरीसहितको डंगोल, १ सय रुपैयाँको टक भ्यालु तथा मासिक १ गिगाबाइट डेटाका दरले ३ महिनासम्मका लागि ३ गिगाबाइट डेटा भएको रिमकार्ड २ हजार २ सय (करसहित)मा पाउनेछन् ।टेलिकमले हाल १२ अञ्चलका ४८ जिल्लाका सदरमुकाम तथा प्रमुख व्यापारिक केन्द्रमा ईभीडीओ सेवा सञ्चालनमा ल्याइसकेको छ । कम्पनीले यो सेवालाई ‘स्काई प्रो’ ब्रान्डमा बिक्री–वितरण गरिरहेको छ ।

डेटा भोलुम    महसुल८    प्रतिमेगाबाइट शुल्क    भ्यालिडिटी
५०० एमबी          २००।–                 ४० पैसा             १ महिना
२ जीबी               ७६०।–                 ३७ पैसा            १ महिना
५ जीबी              १७००।–                ३३ पैसा            १ महिना
१० जीबी             २४००।–               २३ पैसा             १ महिना

Thursday, August 22, 2013

मोबाइल इन्टरनेटको दौड, नेपाल टेलिकम र एनसेल मात्र डेटा प्रतिस्पर्धाको अग्रपंक्तिमा

कारोबर सम्बाददाता, काठमाडौं, ६ भदौ- मुलुकको एकचौथाइ जनसंख्या (२५ प्रतिशत)मा इन्टरनेट पहुँच पुगेपछि दूरसञ्चार सेवाप्रदायकको ध्यान डेटातिर मोडिएको छ । बढ्दो प्रतिस्पर्धासँगै उनीहरूले उपभोक्तालाई सस्तोमा इन्टरनेट ‘अफर’ गरिरहेका छन् । दूरसञ्चार प्राधिकरणका अनुसार आव ०६८÷६९ सम्ममा इन्टरनेट प्रयोगकर्ताको संख्या ८० प्रतिशतसम्मले बढेको छ । इन्टरनेट चलाउनेहरू अधिकांश मोबाइलमै निर्भर छन् । त्यसमाथि स्मार्टफोनको बढ्दो प्रयोगसँगै हातहातमा इन्टरनेट पुगेपछि सेवाप्रदायकहरू भ्वाइसभन्दा डेटामै केन्द्रित भएका छन् । १ वर्षअघिसम्म मात्रै आम्दानीको मुख्य क्षेत्र मानिने भ्वाइसमा शुल्क घटाउने प्रतिस्पर्धा थियो । देशभर ६ वटा दूरसञ्चार सेवाप्रदायक छन् । तर, नेपाल टेलिकम, एनसेल र युनाइटेड टेलिकममात्र डेटा प्रतिस्पर्धाको अग्रपंक्तिमा छन् । त्यसमा पनि मुख्य प्रतिस्पर्धा निजी क्षेत्रको पहिलो मोबाइल कम्पनी एनसेल र सरकारी नियन्त्रणको नेपाल टेलिकमबीच नै छ । दुबै कम्पनी टुजी नेटवर्क र थ्रीजी इन्टरनेट सेवा रहेको जीपीआरएस प्रवद्र्धनमा केन्द्रित भएका छन् । उनीहरूले विभिन्न परिमाणका मोबाइल इन्टरनेट प्याकेज ल्याएका छन् । जीएमएमअन्तर्गत टेलिकमको प्याकेज भने कार्यान्वयनमा छैन । एनसेलका ३४ लाख ९४ हजार, टेलिकमका ३१ लाख ६८ हजार, यूटीएलका ९२ हजारले इन्टरनेट चलाउँछन् ।

Sunday, August 18, 2013

टेलिकमबाट १० पैसामै चेतनामूलक सामाजिक सन्देश

सरस्वती ढकाल, कारोबार दैनिक  काठमाडौं, २ भदौ- नेपाल दूरसञ्चार कम्पनी (टेलिकम)ले सामाजिक चेतनामूलक सन्देश सर्ट म्यासेज सर्भिस (एसएमएस) १० पैसामै गर्न सकिने व्यवस्था गरेको छ । एकैपटक ८० लाखभन्दा धेरै मोबाइल ग्राहकलाई सामाजिक र चेतनामूलक सूचना दिने उद्देश्यले कम्पनीले यसलाई बढावा दिएको छ । साधारणका प्रयोगकर्ताका लागि भने टेलिकमले प्रतिम्यासेज १ रुपैयाँ (करबाहेक) लिँदै आएको छ । हाल टेलिकमले निर्वाचन आयोगको अभियान ‘फोटोसहितको मतदाता नामावलीमा सहभागी बनौं’, आन्तरिक राजस्व विभागको ‘घरबहाल कर समयमै तिरौं’, महिला आयोगको ‘महिला हिंसाविरुद्धको अभियानमा सहभागी बनौं,’ सूचना तथा सञ्चार मन्त्रालयको गणतन्त्र दिवस, वृक्षारोपणको जानकारीजस्ता सामाजिक चेतनामूलक काममा सहकार्य गर्दै आएको छ । टेलिकम प्रवक्ता गुणकेसरी प्रधानले व्यापारिक प्रयोजनमा समूह सन्देश (ग्रुप म्यासेज) बन्देज रहेको भन्दै सामाजिक वा चेतनामूलक काममा सहभागी बन्नु कम्पनीको दायित्व भएकाले अत्यन्तै न्यून शुल्कमा सुविधा दिइएको बताइन् । “हामीले ग्राहकको पक्षबाट हेरेका छौं, धेरै सामाजिक म्यासेज लगातार पठाउँदैनौं,” उनले भनिन्, “एकैपटक लाखौं ग्राहकलाई सूचित गर्न म्यासेज माध्यम सबैभन्दा सजिलो उपाय हो ।” निशुल्क सेवा दिँदा सुविधाको दुरुपयोग हुनसक्ने आशंका गर्दै ग्राहकलाई झर्काे लाग्ने स्थिति नआओस् भनेर न्यूनतम शुल्क लिइएको उनले स्पष्ट पारिन् । मोबाइल अधिकांशसँग रहने भएकाले मोबाइलमा घरबहाल कर, मतदाता नामावली दर्तालगायतका जानकारी दिँदा उपभोक्ता लाभान्वित नै हुन्छन् । सामाजिक म्यासेज पनि धेरै पठाएर ग्राहकलाई दिक्क पार्न नहुने सेवाग्राहीको भनाइ छ ।

Saturday, August 17, 2013

वाइम्याक्स, एडिएसएल, जिपिआरएस, थ्रिजी अझ सस्तो बनाउन प्रयास गर्दैछौं

अमरनाथ सिंह, प्रबन्ध निर्देशक, नेपाल टेलिकमनागरिक दैनिक, आइतबार २ भाद्र, २०७० अमरनाथ सिंहले नेपाल टेलिकमलाई अझै सशक्त बनाउने योजनामा छन् । यसअघि दुई पटक प्रबन्ध निर्देशक भइसकेका अमरनाथ सिंहले तेस्रो कार्यकालमा टेलिकमले प्रवाह गर्ने सेवाको गुणस्तरमा आफुलाई केन्द्रित गराएका छन् । उपत्यकाका उपभोक्ताले दुई महिनाभित्रै नेपाल टेलिकमको सेवामा आएको परिवर्तन थाहा पाउने उनको दाबी छ । नागरिकका प्रकटकुमार शिशिरले सिंहसँग टेलिकमको नयाँ परियोजना, आर्थिक अवस्था र गुणस्तरलगायतका विषयमा गरेको कुराकानी 

नेपाल टेलिकमले 'राष्ट्रको सञ्चार' नारा दिइरहेको छ। यसको अर्थ के हो ?
नेपाल टेलिकमलाई पछिल्लो समय राष्ट्रकै सञ्चारको रुपमा अगाडि ल्याइएको छ । यसमा सरकारको स्वामित्व छ, यसमा जनताको स्वामित्व छ । स्वामित्वको हिसाबले मात्र नभएर हामीले हाम्रा सेवालाई देशका सबै भागमा पु¥याएका छौं । हाम्रा सेवाहरु देशभर नै फैलिएको छ । हामी सहरकेन्द्रित मात्र छैनौं । ग्रामीण भेगमा पनि पुगेका छौं । यसरी हेर्दा यसलाई राष्ट्रको सञ्चारको रुपमा व्याख्या गर्ने सकिन्छ ।
केही सेवाहरुमा तपाईहरु पछाडि नै हुनुहुन्छ, उपभोक्ताको पहिलो रोजाई त बन्न सक्नु भएको छैन नि ?
हामीले दिएको सेवालाई हेर्ने हो भने उपभोक्ताको पहिलो रोजाईमा नेपाल टेलिकम नै पर्छ । हामीले जुन किसिमले उपभोक्तालाई सेवा दिइरहेका छौं । ती सबै अरु कम्पनीमार्फत पुगेको देखिदैन । त्यस्तै हामीले हाम्रा सबै सेवा सहरकेन्द्रित मात्र गरेका छैनौं । उपत्यकामा प्रयोगमा आएका सेवा ग्रामीण भेगमा पनि पुगेका छन् । ग्रामीण क्षेत्रमा त हामीले घाटा खाइरहेको अवस्थामा पनि सेवा प्रदान गरिरहेका छौं । सञ्चारमा सबैको समान पहुँच पु¥याउने हाम्रो उद्देश्य हो । त्यही उद्देश्यअनुसार नै हामी लागिरहेका छौं । केही सेवामा विशेष गरी जिएसएम मोबाइलमा हामी दुइ नम्बर भयौं भन्ने छ । त्यो संख्यात्मक कुरा मात्र हो तर जतिले हाम्रो सेवा लिएका छन् उपभोक्ता खुशी छन् । अर्काे कुरा हामी पछि परेको सेवामा पनि हामी नयाँ योजनाका साथ आउँदै छौं । हाम्रो बजार हिस्सा पनि बढिरहेको छ । फिक्स्ड लाइनदेखि वाइम्याक्ससम्मका ग्राहकले नेपाल टेलिकमलाई विश्वास गरेका छन् । त्यसैले उपभोक्ताको पहिलो रोजाईमा सधै नेपाल टेलिकम छ । नेपाल टेलिकमको सेवा लिन अझै पनि लाइन लाग्ने गरेको देखेको छु । यो कम्पनीप्रतिको विश्वास र माया नै हो ।

Thursday, August 15, 2013

टेलिकमको इभिडियो डाटा प्याकेज थप पाँच अञ्चलमा

३१ साउन, onlinekhabar.com काठमाडौं । नेपाल टेलिकमले आईपी सिडिएमए प्रविधिको इभिडियो रिम कार्डलाई डाटा प्याकजेसहितको डिभाइसमा एकीकृत गरि थप ७ अञ्चलमा बिक्री सुरु गरेको छ । टेलिकमले पूर्वाञ्चलको मेची र कोशी अञ्चलमा, पश्चिमाञ्चलको लुम्विनीमा तथा मध्यपश्चिमाञ्चलको भेरी र राप्ती अञ्चलमा यहि बुधबारदेखि डाटा प्याकेज बिक्री सुरु गरेको छ । साथै, सूदुरपश्चिमाञ्चल विकास क्षेत्रको सेती र महाकाली अञ्चलमा बिहीबारदेखि एकीकृत डाटा प्याकेज बिक्री सुरु गरिएको टेलिकमले जनाएको छ ।
CDMA-Eveidoसिमित समयसम्मका लागि उपलब्ध हुने एकीकृत डाटा प्याकेजमा ग्राहकहरुले २ हजार ३ सय ५९ रुपैयाँमा १ जीबी मेमोरीसहितको इभिडियो डिभाइस, १ सय रुपैयाँ बराबरको टक भेलु र ५ जीबी डाटा भएको रिम कार्ड प्राप्त गर्नेछन् । ५ जीबी डाटाको भेलिडिटी पिरियड ३ महिनासम्मको हुने टेलिकमले जनाएको छ ।

Tuesday, August 13, 2013

टेलिकमको थ्रिजी इन्टरनेटमा आक्रमक सुधार

नागरिक दैनिक,  सामजिक सञ्जालमा मात्रै होइन, युवाहरुको जमघट हुने प्रायः सबै ठाउँमा नेपाल टेलिकमको मोबाइल इन्टरनेटको गतिमा आएको तीवैताकै चर्चा चलिरहेको पाइन्छ। कुनै बेला 'झुरसञ्चार' को संज्ञा पाइसकेको देशकै सबैभन्दा ठूलो दूरसञ्चार सेवा प्रदायकको सेवा अब वास्तविक रुपमा दूरसञ्चारले दिने जस्तै भएको सबैले भन्न थालेका छन्। मोबाइल सेवाको क्यापासिटी, कभरेज र क्वालिटी (क्षमता, पहुँच र गुणस्तर) बढाउने योजनासहित टेलिकमले राजधानीमा नयाँ बिटिएस (बेस ट्रान्सिभर स्टेसन) जडान र 'फ्रिक्वेन्सी अप्टिमाइजेसन' गर्न सुरु गरेपछि यसका ग्राहकले मोबाइल र इन्टरनेट सेवामा गुणस्तर बढेको अनुभव गरेका हुन्। नयाँ बिटिएस जडानसँगै प्रतिस्पर्धी मूल्यमै गुणस्तरीय सेवा लिन चाहने टेलिकमका सेवाग्राही खुसी बनेका हुन्। जिपिआरएस (टुजी) अर्थात 'जनरल प्याकेट रेडियो सर्भिस'पछि तीव्र गतिमा चल्ने तेस्रो पुस्ताको 'थ्रिजी' सेवा आरम्भ गरेको भए पनि नामको तुलनामा थ्रिजी सेवा प्रभावकारी नभएपछि टेलिकमको मोबाइल र डाटा सेवाबारे आम सर्वसाधारणले व्यापक गुनासो गर्दै आएका थिए। टेलिकमले भने पुराना उपकरण र नेटवर्कका कारण मोबाइल र इन्टरनेटको गुणस्तर प्रतिस्पर्धी बनाउन नसकिएको भन्दै नयाँ व्यावसायिक रणनीतिमा पुरानो नेटवर्क विस्थापन गरी नयाँ उपकरणसहितको नेटवर्क विस्तारमा जोड दिएको हो। नयाँ नेटवर्क प्रयोगमा आएलगत्तै टेलिकमको मोबाइल र डाटा सेवामा उल्लेख्य सुधार आइसकेको यसका प्रयोगकर्ताले प्रतिक्रिया दिइसकेका छन्।

टेलिकमको आम्दानी बढ्दापनि नाफा घट्यो


थ्रिजी प्रयोगकर्ता बढाउने योजनामा टेलिकम

लीला घिमिरे, नागरिक काठमाडौं - नेपाल टेलिकमले यो वर्ष काठमाडौंमा मात्रै थ्रिजी प्रयोगकर्ताहरुको संख्यामा तिब्र रुपमा वृद्धि गर्ने रणनीतिअनुसार डाटा सेवाको क्षमता र गुणस्तर वृद्धिमा लागिपरेको छ। उसले काठमाडौंमा मात्रै करिब २० लाख थ्रिजी प्रयोगकर्तालाई सेवा दिने गरी क्षमता विस्तार गर्ने भएको छ। केही महिनाभित्रै काठमाडौंमा मात्रै प्रयोगकर्ताको संख्या करिब पाँच लाख पुर्यातउने योजना टेलिकमको छ। टेलिकमले केही समय अघि देखि सुरु गरेको मोबाइल र डाटा सेवाको गुणस्तर अभिवृद्धि योजना पूर्णरुपमा सफल भएपछि नेटवर्कका थ्रिजी सेवा प्रयोगकर्ताको संख्यामा उल्लेख्य वृद्धि हुने आशासहित उसले यस्तो दाबी गरेको हो।  टेलिकमका थ्रिजी प्रयोकर्ताहरुको संख्या हाल करिब एक लाख ३० हजारको हाराहारीमा रहेका टेलिकम मोबाइल सेवा निर्देशनालयका निर्देशक सुरेन्द्रप्रसाद थिकेले नागरिकलाई बताए।  कम्पनीले काठमाडौं उपत्यका र पश्चिमाञ्चलमा मात्रै ४८ लाख जिएसएम लाइन विस्तारको सम्पूर्ण उपकरणहरु जडान गर्ने तथा पुराना बिटिएसहरुको सट्टामा नयाँ बिटिएस उपकरण जडान गरी सेवा वितरण आरम्भ गर्ने वार्षिक योजनाअनुसार पहिलो चरणमा उपत्यकामा सेवा विस्तार र नयाँ उपकरण जडान सुरु गरेको हो।  टेलिकमले सन् २००७ मा प्रयोग गरेका चिनियाँ कम्पनी जेडटिईका उपकरणको स्थानमा नयाँ कम्पनी हुवावेका उपकरणहरु प्रतिस्थापन गर्न लागेको हो।  उपत्यकामा पछि टेलिकमले पूर्वाञ्चल, मध्यमाञ्चल (काठमाडौं उपत्यका बाहेक), मध्यपश्चिमाञ्चल र सुदूरपश्चिमाञ्चल विकास क्षेत्रमा ५२ लाख लाइन विस्तार गर्न मुख्य उपकरणहरु जडान गर्ने तथा पुराना बिटिएसहरुको सट्टामा नयाँ बिटिएसहरु जडान गरी सञ्चालनमा ल्याउने पनि निर्देशक थिकेले बताए।  
टेलिकमका पहिलो चरणमा उपत्यका भित्रमात्रै २ सय १८ नयाँ बिटिएस जडान गर्ने तयारी गरेको हो। टेलिकमले यस अघिको जेडटिईको नेटवर्कमा ७३ ओटा विटिएसमार्फत एक लाख ४० हजार थ्रिजी प्रयोगकर्तालाई सेवा उपलब्ध गराईरहेको थियो। 'थप संख्याका बिटिएसले पाँच लाख ग्राहकलाई थ्रिजी सेवा प्रदान गर्ने क्षमता राख्दछन्,' थिकेले भने, 'नयाँ उपकरण जडान भएका कारण मोबाइलको गुणस्तरमा सुधार आउनुका साथै इन्टरनेट पनि तिब्र गतिमा चल्न सक्छ। हालसम्म नयाँ उपकरण जडान भइसेकका उपत्यकाका विभिन्न स्थानमा नयाँ नेटवर्कको तिब्र गतिको इन्टरनेटको अनुभुति प्रयोगकर्ताले गरिसकेका छन्।' थिकेका अनुसार चक्रपथ बाहिरसमेत गरी उपत्यकाका सबै पाँचसय टावरहरुमा नयाँ बिटिएस जडान गरिनेछन् जसले १९ लाख थ्रिजी प्रयोगकर्तालाई तिब्र गतिको इन्टरनेट सेवा प्रदान गर्ने क्षमता राख्दछन्।  नयाँ योजना कार्यान्वयनपछि टेलिकमको क्यापसिटी कभरेज, क्वालिटी (क्षमता, पहुँच र गुणस्तर) मा व्यापक सुधार आउने अपेक्षा गरिएको थिकेले बताए।  थ्रिजी प्रयोगकर्ताहरुको संख्यामा वृद्धि भएपछि टेलिकमले यो सेवा उपलब्ध गराएबापत हाल गरिरहेको आम्दानी पनि तीन गुणा वृद्धि हुने अनुमान गरेको छ। 'गुणस्तर सेवा भएपछि इन्टरनेट प्रयोगकर्ताको संख्या र उनीहरुले इन्टरनेट प्रयोग गर्ने समयमा पनि उल्लेख्य वृद्धि हुनेछ,' थिकेले भने, 'यसले टेकिमले यो सेवा बिक्री गरेबापत गर्ने कमाई पनि तिन गुणासम्मले वृद्धि हुन सक्छ।' टेलिफोन, मोबाइल, इन्टरनेट लगायतका सेवा प्रदान गर्दै आइरहेको नेपाल टेलिकमले आफ्नो नेटवर्कमा डाटा सर्भिसलाई अझै विस्तारित र भरपर्दो बनाउने योजनाअनुरुप काम गरिरहेको छ।  विभिन्न नयाँ प्रविधीमार्फत इन्टरनेट सेवा प्रदान गर्दै आईरहेका टेलिकमले इन्टरनेट सेवालाई अबका दिनमा झनै प्रतिस्पर्धी बनाउन टेलिकम लागिपरेको थिकेले बताए।  टेलिकमको इन्टरनेट लगायत अन्य सेवा शुल्क प्रतिस्पर्धी भएपनि यसको सेवा भने सन्तोषजनक नभएको सर्वसाधारणहरुबाट गुनासो आईरहदाँ टेलिकमले थप सेवा, विस्तार र गुणस्तर ग्यारेन्टीको दाबी गरेको हो। हाल देशभरमा करिब ७० लाख इन्टरनेट प्रयोगकर्ता रहेको बताइएको छ। हरेक एक सय जनामा करिब २५ जना इन्टरनेट प्रयोगकर्ता भएको नेपाल दूरसञ्चार प्राधिकरणको पछिलो तथ्यांकले देखाएको छ।

Thursday, August 1, 2013

इभिडिओको थ्रिजी इन्टरनेट पश्चिम क्षेत्रमा पनि

नागरिक दैनिक, बिहीबार १७ श्रावण, २०७०सन्तोष पोखरेल
पोखरा— नेपाल टेलिकमले आइपिसिडिएमए प्रविधिमा आधारित इन्टरनेट सेवा प्याकेजमा उपलब्ध गराउन थालेको छ। पोखरा र आसपास क्षेत्रमा बुधबारदेखि बिक्री थालिएको यो प्रविधिबाट तेस्रो पुस्ता (थ्रिजी) को इन्टरनेट चलाउन सकिने टेलिकमले जनाएको छ। पुरानो प्रविधि विस्थापन गरेको टेलिकमले डाटा प्याकेजमा युएसबी डोंगोलसहित प्याकेज उपलब्ध गराउन थालेको बुधबार आयोजित पत्रकार भेटघाटमा वायरलेस सेवाका नायब प्रबन्ध निर्देशक अनुपरञ्जन भट्टराईले जानकारी दिए। 'इभिडिओ सेवामार्फत भ्वाइस सेवाको अतिरिक्त ३.१ एमबिपिएस डाउनलोड क्षमतामा इन्टरनेट चलाउन सकिन्छ,' भट्टराईले भने, 'यो निकै प्रभावकारी बन्दै गएको छ।' टेलिकमले गत वैशाखदेखि पोखरा र आसपासमा डाटाकार्ड बिना इभिडिओ सेवा बिक्री गरिरहेको थियो।
टेलिकमले डाटा प्याकेज बिक्री थालेको अवसर पारेर यसका प्रयोगकर्तालाई छुट योजना अघि सारेको छ । भट्टराईका अनुसार डाटाकार्ड सहित उपलब्ध हुने यो सेवामा ग्राकहले २ हजार ३ सय ५९ रुपैयाँ तिरेपछि ५ जिबी डाटा पाउँछन् । त्यससँगै १ जिबीको मेमोरीकार्ड, १ सय रुपैयाँको 'टकभ्यालु'को सुविधा पाउनेछन् । ५ जिबी डाटाको समय तीन महिना हुने उनले जानकारी दिए । 'यसको वास्तविक मूल्य करिब ५ हजार रुपैयाँ पर्छ, तर शुभारम्भको अवसरमा विशेष छुट दिएका हौं,' उनले भने । बजारमा हाल बिक्री भइरहेका यस्तै सेवामध्ये टेलिकमले ल्याएको यो प्याकेज सबैभन्दा सस्तो भएको उनले दाबी गरे । 'अरु कम्पनीको भन्दा यसको मूल्य निकै सस्तो छ । अहिले एक मेगाबाइटको मूल्य ५० पैसा पर्छ । सबै कम्पनीले यति सस्तोमा यो सेवा दिन सकेका छैनन्,' उनले भने । आइपिसिडिएमए प्रविधिको सेवा अहिलेसम्म देशका ४५ जिल्लामा सञ्चालनमा आएको टेलिकमले जनाएको छ । आगामी दसैंभित्र मुलुकभर पहुँच पु¥याउने टेलिकमका भट्टराईले जानकारी दिए । यसले नेपालको डिजिटल डिभाइड कम गर्न योगदान पुर्या उने भट्टराईले बताए ।

Sunday, July 28, 2013

५ सय केन्द्रमार्फत् टेलिकमको वाइम्याक्स सेवा

काठमाडौं- नेपाल टेलिकमले आर्थिक वर्ष २०७०-७१ का लागि कूल ६९ अर्ब ९५ करोड ६३ लाख नौ हजार रुपैयाँको बजेट विनियोजन गरेको छ। टेलिकमका अनुसार सरकारलाई राजस्ववापत रु २१ अर्ब ३५ करोड ३१ लाख ८४ हजार, पुँजीगत खर्चवापत रु १९ अर्ब ४१ करोड ६५ लाख ५४ हजार, आयगत खर्चवापत रु १० अर्ब ६८ करोड ७४ लाख ८६ हजार, लाभांश (नेपाल सरकारलाई बुझाउने बाहेक अन्य) बापत रु ६१ करोड २४ लाख ८२ हजार रकम छुट्टाएको हो। त्यस्तै ग्राहक लाभांश र सुविधावापत रु ८४ करोड २८ लाख ९९ हजार र अन्य दायित्ववापत रु सात करोड ७१ लाख ८५ हजार, अन्य प्रशासनिक सेयरिङ वापतको भुक्तानी रु एक अर्ब एक करोड ६५ लाख १९ हजार र लगानीवापत रु १५ अर्ब ९५ करोड विनियोजन गरेको टेलिकमका प्रवक्ता गुणकेशरी प्रधानद्वारा जारी विज्ञप्तिमा उल्लेख छ।  त्यसैगरी आव २०६९/७० मा सरकारमा दाखिला गरेको राजस्व विवरणअनुसार लाभांशवापत रु छ अर्ब ५८ करोड ७५ लाख १७ हजार ६००, मूल्य अभिवृद्धि कर, स्वामित्व शुल्क तथा दूरसञ्चार सेवा शुल्कबापत रु चार अर्ब १४ करोड ५२ लाख ३१ हजार ०७९, आयकरवापत रु चार अर्र्ब २४ लाख ७१ हजार ९५८, रोयल्टी र ग्रामीण दूरसञ्चार कोषवापत रु एक अर्ब ९८ करोड ८९ लाख ८६ हजार ८१०, जिएसएम मोबाइलको अनुमतिपत्र नवीकरणवापत रु दुई अर्ब ३१ करोड १० लाख र फ्रिक्वेन्सी दस्तुरवापत रु एक अर्ब ३३ करोड ५९ लाख १७ हजार ५३४ गरी जम्मा रु २० अर्ब ३७ करोड ११ लाख २४ हजार ९८१ सरकारलाई राजस्व बुझाइएको छ। 

टेलिकमको आम्दानी ३७ अर्ब ६० करोड, सरकारलाइ २० अर्व ३७ करोड राजस्व बुझायो

काठमाडौ, श्रावण १४ - कान्तिपुर दैनिक  नेपाल टेलिकमले आर्थिक वर्ष २०६९/७० मा ३७ अर्ब ६० करोड रुपैयाँ आम्दानी गरेको छ । यो रकम अघिल्लो अर्थिक वर्ष (२०६८/६९) को तुलनामा २ दशमलव २५ प्रतिशतले बढी हो । अघिल्लो आर्थिक वर्ष टेलिकमले ३६ अर्ब ७९ करोड रुपैयाँ आम्दानी गरेको थियो । सबैभन्दा बढी नाफा कमाउने र कर तिर्ने संस्थानका रूपमा रहेको टेलिकमको यो आम्दानीबाट सञ्चालन र प्रशासनिक खर्च घटाएपछि नाफा निस्कने छ । तर गत आर्थिक वर्षको आय बढे पनि करपछिको नाफा भने घट्ने अनुमान गरिएको छ । टेलिकमको प्रक्षेपणअनुसार अघिल्लो आर्थिक वर्षको तुलनामा करपछिको मुनाफा १ अर्ब १ करोड रुपैयाँले घट्ने छ । आर्थिक वर्ष २०६८/६९ मा ११ अर्ब ६० करोड रुपैयाँ खुद मुनाफा भएको थियो । गएको आर्थिक वर्षमा १० अर्ब ५९ लाख रुपैयाँ मात्र मुनाफा हुने प्रक्षेपण गरिएको छ । लाइसेन्स, फ्रिक्वेन्सीलगायत शुल्कमा ४ अर्ब रुपैयाँ भन्दा बढी रकम सरकारलाई बुझाएकाले टेलिकमको मुनाफा घट्ने भएको हो । नाफा घटेपछि चालू आर्थिक वर्ष कम्पनीले बुझाउने आय कर पनि घट्ने छ । प्रक्षेपित खुद मुनाफाअनुसार चालू आर्थिक वर्ष ४ अर्ब २४ करोड रुपैयाँ मात्र आयकर बुझाउने छ । आयकर घटे पनि धेरै राजस्व बुझाएर पहिलो नम्बरमै रहने सम्भावना भने अझै धेरै छ ।गत आर्थिक वर्षको कारोबारबाट टेलिकमले सरकारलाई २० अर्बभन्दा बढी राजस्व बुझाएको छ । यसमा आयकरसहित लाभांश, मूल्य अभिवृद्धि कर, स्वामित्व शुल्क, दूरसञ्चार सेवा शुल्क, अनुमतिपत्र नवीकरण, पि|mक्वेन्सीलगायत शुल्क समावेश छन् ।
कम्पनीले चालू आर्थिक वर्षमा भने आय र मुनाफा दुवै बढाउने गरी आक्रमक कार्यक्रमहरू ल्याउँदै छ । टेलिकमका अनुसार ७०/७१ मा कम्पनीले १० प्रतिशतले -४१ अर्ब ६५ करोड रुपैयाँ) आम्दानी बढाउने लक्ष्य लिएको छ । करपछिको मुनाफा पनि ११ अर्ब ९६ करोड रुपैयाँ पुग्ने अनुमान गरिएको छ । 'चालू आर्थिक वर्षमा हुने लाइन वितरण र डाटा सेवामा हुँदै गएको सुधारका कारण आय बढ्ने अनुमान गरिएको हो,' टेलिकमकी प्रवक्ता गुणकेशरी प्रधानले भनिन् । कम्पनीले चालू वर्षमा सञ्चालन गरिरहेको परियोजनाबाट ग्राहक संख्या थपिएर आय बढ्ने अनुमान गरेको हो । कम्पनीले चालू आर्थिक वर्षमा २९ लाख १३ हजार ग्राहक थप्ने योजना बनाएको छ । २० लाख मोबाइल लाइन वितरण गर्ने लक्ष्य छ । टेलिकमको सेवा विस्तार योजनाअन्तर्गत 'प्याकेज बी' मा काठमाडौं उपत्यका र पश्चिमाञ्चल विकास क्षेत्रमा ४८ लाख लाइन विस्तारको उपकरण जडान गर्ने, प्याकेज एअन्तर्गत पूर्वाञ्चल, मध्यमाञ्चल, मध्यपश्चिमाञ्चल र सुदूरपश्चिमाञ्चल विकास क्षेत्रमा ५२ लाख लाइन विस्तार गर्न मुख्य उपकरण जडान गर्ने योजना टेलिकमको छ । पुराना बीटीएस टावर परिवर्तन गर्दै सेवा विस्तार र गुणस्तर सुधार गर्ने योजना कम्पनीको छ । सँगै पीएसटीएन (ल्यान्ड लाइन) र सीडीएमए सेवामा विस्तारको योजना बनाइएको छ ।

Thursday, July 25, 2013

राजनीतिक हस्तक्षेप बन्द गरे मात्र टेलिकम उंभो लाग्ने...

NTCFLASH, नेपाल टेलिकमका ग्राहकहरुलाई ब्लग, फेसबुक अनि ट्वीटर मार्फत आफुलाई थाहा भएका र ग्राहकका गुनासाहरु सम्बोधन गर्ने र आवस्यकता अनुसार सम्बन्धित बिभाग, कार्यालयमा जानकारी गराउदै आएको यो NTCFLASH को पूर्ण संचालन १ वर्ष पुरा भएको छ . यस अवधिमा धेरै ग्राहक, कर्मचारी तथा  नेपाल टेलिकमसंग सम्बन्धित अन्य महानुभावहरु संग धेरै महत्वपूर्ण अन्तरक्रिया, छलफल र जानकारी शेयर गर्ने अवसर मिलेको छ . यो प्रयास नेपाल टेलिकममा कार्यरत एक कर्मचारीको बिशुद्द व्यक्तिगत प्रयास हो तसर्थ यो प्रयास प्रति कसैले पनि कम्पनि ब्यबस्थापन र सिंगो कम्पनि लाइ दोष नदिनु हुन बिनम्र अनुरोध गर्दछु .
यसका साथै आगामी दिनमा पनि कम्पनि संग सम्बन्धित सूचना तथा जानकारीहरु विभिन्न मिडिया, न्युज पेपर, अनलाइन पोर्टल र अन्य साइट मार्फत एकिकृत गर्दै आफुले जानेका, सुनेका र सकेसम्म अरुबाट सहयोग लिएर भएपनि ग्राहक तथा  नेपाल टेलिकमप्रति विश्वास गर्नुहुने सबैको गुनासा र समस्या समाधान प्रति निरन्तर लागि रहने प्रतिबद्दता व्यक्त गर्दछु . 

यसै परिपेक्क्ष्यमा नेपाल सरकारको ९२ % लगानी रहेको यस सस्थालाइ पुन: नेपालको एक नम्बरमा ल्याउन के गर्नु पर्छ भनि पुल मार्फत प्रस्न सोधिएको थियो,  जसको ३६५ दिन वा १ वर्षभरिको प्रतिक्रया यस्तो आएको छ,

नेपाल टेलिकम ब्यापक पूर्वाधार विस्तारको तयारीमा


Wednesday, July 10, 2013

टेलिकमले थ्रिजी इभिडिओ प्याकेज ल्याउँदै


टेलिकमले थ्रिजी इभिडिओ प्याकेज ल्याउँदैकाठमाडौं, असार २६  -नागरिक:  इन्टरनेट सेवा विस्तारमा तीब्रता दिएको नेपाल टेलिकमले सिडिएमए संकेतको प्रयोगबाट चल्ने थ्रिजी इभिडिओको प्याकेजसहितको योजना ल्याउने भएको छ। एक सेकेन्डमा ३ दशमलव १ मेगाबाइट्स डाउनलोड गर्नसक्ने सेवा ताररहित इन्टरनेट प्रविधिमा हालसम्मकै तीब्रगतिको हुने पनि टेलिकमले दाबी गरेको छ। टेलिकमले यसअघि प्याकेज रहितरुपमा यो सेवा सिडिएमएका प्रययोगकर्तालाई दिइरहेको थियो। नयाँ योजनामा प्योकजसहित न्यून शूल्कमा सेवा सुरु गर्ने टेलिकमको योजना छ। हाल टेलिकमको थ्रिजी सेवा १० अञ्चलका ३१ जिल्लामा पुगेकाले त्यहाँ थ्रिजी इभिडिओ सेवा सजिलै उपलब्ध हुनेछ। बाँकी जिल्लामा पनि आगामी दसैंसम्मा थ्रिजी सेवा पुर्याजउने लक्ष्य टेलिकमले लिएको छ। हाललाई थ्रिजी सेवा उपलब्ध नभएका जिल्लामा पनि इभिडिओ टुजीको गतिमा चल्छ।  नागरिक दैनिकको प्रकाशक नेपाल रिपब्लिक मिडिया प्रालिले २७ असारबाट काठमाडौंको भृकुटीमण्डपमा आयोजना गर्ने 'एडुफेयर २०१३' (शैक्षिक मेला) को अवसर पारेर टेलिकमले नयाँ प्याकेजसहितको सेवा सार्वजनिक गर्न लागेको हो। प्योकजसहितको सेवाका लागि उपभोक्ताले २ हजार ४ सय ५९ रुपैयाँ तिर्नुपर्ने हुन्छ। यो प्याकेजमा एक जिबीको मेमोरी कार्ड, १५ सय ९९ सय रुपैयाँ पर्ने इभिडिओ डंगोल, २ सय रुपैयाँ पर्ने रिमकार्ड र एक महिनाका लागि पाँच जिबी डाटा उपलब्ध हुनेछ। शैक्षिक मेलामा रहने टेलिकमको एक सय ७ नम्बरको स्टलमा यो प्याकेज वितरण गरिनेछ। यसका लागि सेवाग्राही नागरिकता र फोटो लिएर मेलाको स्टलमा पुग्नुपर्नेछ।  डंग्ाोलसहितको थ्रिजी इभिडिओ देशभर जुनै पनि ठाउँमा ल्यापटप र डेक्सटप कम्प्युटरमा चलाउन मिल्ने टेलिकमले जानकारी दिएको छ। यो सेवा सिडिएमए स्मार्टफोनमा बिनाडंगोल वाइफाई हटस्पटमा आधारित भएर पनि चलाउन मिल्छ। 

Monday, July 8, 2013

इन्टरनेट सेवा फैलाउँदै टेलिकम, सेवा सन्तोषजनक नभएको सर्वसाधारणबाट गुनासो !!


काठमाडौं -नागरिक दैनिक  टेलिफोन, मोबाइल, इन्टरनेट लगायत सेवा प्रदान गर्दै आइरहेको नेपाल टेलिकमले आफ्नो नेटवर्कमा इन्टरनेट (डाटा) सेवा विस्तार गर्ने भएको छ। टेलिकमले इन्टरनेट सेवालाई अबका दिनमा झनै प्रतिस्पर्धी बनाउन लागिपरेको सोमाबार अयोजित एक कार्यक्रममा जानकारी दिइयो। टेलिकमले हाल उपलब्ध गराइरहेको डाटा सेवाबारे छलफल गर्न आयोजित एक कार्यक्रममा टेलिकमका अधिकारीले यस्तो बताएका हुन्।टेलिकमको इन्टरनेट लगायत अन्य सेवा शुल्क प्रतिस्पर्धी भए पनि सेवा भने सन्तोषजनक नभएको सर्वसाधारणबाट गुनासो आइरहँदा उसले थप सेवा विस्तार र गुणस्तर ग्यारेन्टीको दाबी गरेको हो।  एडिएसएल, इभिडिओ, थि्रजी डाटा, वाइम्याक्स, फाइबर इन्टरनेट, डिएसएल इन्टरनेट, स्काइडाटा, जिपिआरएस, डाइअफ इन्टरनेट लगायत सेवा उपलब्ध गराउँदै आएको टेलिकमले आगामी दिनमा यी सबै सेवालाई थप गुणस्तरीय बनाउँदै देशभर विस्तार गर्ने बताएको छ।  टेलिकमले आगामी दसैंसम्ममा सिडिएमएको संकेत उपभोग गरी इन्टरनेट चलाउन मिल्ने इभिडिओ सेवा देशभर विस्तार गर्ने बताएको छ। टेलिकमले देशभरमा पाँच सयभन्दा धेरै ठाउँमा बेस स्टेसन जडान गरी ताररहित इन्टरनेट सेवा वाइम्याक्स विस्तार गर्ने भएको छ। हाल त्रिभुवन विमानस्थल, शिक्षण अस्पताल महाराजगन्ज लगायत ठाउँमा यसको निशुल्क परीक्षण सेवा सुचारु गरिसकिएको टेलिकमका प्रबन्ध निर्देशक अमरनाथ सिंहले जानकारी दिए। 

डेटामा केन्द्रित हुँदै दूरसञ्चार कम्पनी


सरस्वती ढकाल, कारोबार दैनिक 
काठमाडौं, २३ असार-भ्वाइस सेवामा राम्रो पकड बनाएका दूरसञ्चार सेवाप्रदायक कम्पनी नेपाल टेलिकम र एनसेल आउँदो वर्ष डेटामा केन्द्रित हुने भएका छन् । दूरसञ्चारमा अघिकांश हिस्सा ओगट्ने यी कम्पनीले डेटा सेवा विस्तारको विकल्प नभएको भन्दै प्रतिस्पर्धी योजना अगाडि बढाएका छन् । यसले उपभोक्तालाई मूल्य र सेवाको गुणस्तरमा छनोटको अवसर दिनेछ । झन्डै एक शताब्दीदेखि भ्वाइस सेवा दिँदै आएको टेलिकमले अबको वर्ष डेटालाई केन्द्रमा राख्नेछ । “हालसम्म सबै ध्यान भ्वाइसमा थियो,” टेलिकम वायरलेस सेवा निर्देशनालयका निर्देशक अनुपरञ्जन भट्टराईले भने, “अब डेटामा केन्द्रित हुन्छौं ।” पेजर, साधारण टेलिफोन, पोस्टपेड, जीएसएम मोबाइल हुँदै अबको माग डेटा सेवा भएकाले कम्पनीको भविष्य पनि यसमै जोडिएको उनले बताए । टेलिकमले एडीएसएल, सीडीएमए, ईभीडीओ, वाईम्याक्स र थ्रीजीमार्फत डेटा सेवा दिँदै आएको छ । कम्पनीको मुख्य आम्दानी बाटो नै डेटालाई बनाउने तयारीका साथ कम्पनी लागेको भट्टराईले सुनाए । अहिलेसम्म जीएसएम नै आम्दानीको मुख्य क्षेत्र हो ।

Wednesday, July 3, 2013

टेलिकम र कृषि बैंकमा विदेशी साझेदार भित्र्याइने

काठमाडौ, असार १९ -कान्तिपुर दैनिक : कम्पनी सुदृढीकरण गर्ने रणनीतिअनुसार सरकारले नाफामा रहेका दुई ठूला संस्थानमा विदेशी साझेदार ल्याउने भएको छ । अर्थ मन्त्रालयअन्तर्गतको निजीकरण समितिमा मंगलबार बसेको बैठकले नेपाल टेलिकम र कृषि विकास बैंकमा विदेशी साझेदार भित्र्याउन बाटो खोलिदिएको हो । नाफामा सञ्चालन भइरहेका सरकारी संस्थानमध्ये यी दुवैमा विदेशी साझेदार ल्याउन लामो समयदेखि पहल भइरहेको थियो । टेलिकम मुलुकमा सबैभन्दा बढी कर बुझाउने कम्पनी पनि हो । कृषि विकास बैंक सबैभन्दा बढी पुँजी भएको बैंक हो । यस्ता कम्पनीमा विदेशीलाई भित्र्याउन सजिलो हुने र यसले अन्य क्षेत्रमा पनि सकारात्मक प्रभाव पार्ने अनुमान सरकारको छ । '१५ महिनापछि समितिको बैठक बसेको छ,' निजीकरण इकाईका प्रमुख वासुदेव शर्माले भने, 'यसले दुई संस्थानमा साझेदार भित्र्याउने बाटो खोलेको छ ।' समितिको बैठकले रणनीतिक साझेदार भित्र्याउन आधारभूत संचरना तयार गर्ने निर्णय गरेको छ । टेलिकममा बेचिने सेयर, लगानी, भित्रिने मानव संसाधन, पुँजी र आवश्यकताको आधारभूत संरचनामा अध्ययन हुने छ । यस्तो संरचनाका लागि १८ महिनाको समय सीमा तोकिएको छ । उक्त अध्ययन पनि सरकारी स्वामित्वमा रहेको करिब ३० प्रतिशत सेयर साझेदारलाई बिक्री गरिने छ । 'निजीकरण समितिले अध्ययन गरी सेयर बिक्री गर्न सकिने सैद्धान्तिक सहमति दिएको छ,' समितिका सदस्यसमेत रहेका उद्योग वाणिज्य महासंघका वरिष्ठ उपाध्यक्ष भाष्कर राजकणिर्कारले भने, 'उक्त अध्ययनको आधारमा साझेदार खोजिन्छ ।' टेलिकममा भने करिब दुई वर्षदेखि रणनीतिक साझेदार भित्र्याउने तयारी भइरहेको छ । ९१ प्रतिशतभन्दा बढी सरकारी स्वामित्व रहेको टेलिकमले गत आर्थिक वर्षमा १२ अर्बभन्दा बढीको कारोबार गरेको थियो । कुनै समयको एक मात्र दूरसञ्चार सेवा प्रदायक टेलिकमले पछिल्लो समय आफ्नो बजार हिस्सा गुमाउँदै लगेको छ । पछिल्लो तथ्यांकअनुसार टेलिकमको बजार हिस्सा ४३ प्रतिशतमा झरेको छ । जुन दोस्रो नम्बर हो । कम्पनीले बजार हिस्सा गुम्दै गएपछि छिटो साझेदार ल्याउन माग गरिरहेको छ । संस्थाको सञ्चालक समितिमा कानुन, सूचना तथा सञ्चार र अर्थ मन्त्रालयका सहसचिव पनि प्रतिनिधि हुन्छन् । यी प्रतिनिधिले छलफल गरेर कुरा अघि बढे पनि सरकारबाट भने सहमति आउन सकेको थिएन ।

Thursday, June 27, 2013

दूरसञ्चारमा पूर्वाधार साझेदारी हुन सकेन


काठमाडौं, ९ असार-कारोबार दैनिक  दूरसञ्चार क्षेत्रमा भौतिक पूर्वाधार साझेदारीको काम हुन सकेको छैन । सेवाप्रदायकबीच पूर्वाधार निर्माणमा साझेदारी नहुँदा उपभोक्ता महँगो शुल्कमा पर्दै आएका छन् । सेवाप्रदायकबीच पूर्वाधार निर्माणमा साझेदारी गर्नेगरी सरकारले ‘दूरसञ्चार पूर्वाधार निर्माण तथा सहप्रयोगसम्बन्धी आदेश २०६९’ जारी गरे पनि आदेश कार्यान्वयनमा नआउँदो उपभोक्ता महँगो शुल्कमा परेका हुन् । हाल ६ वटा दूरसञ्चार कम्पनी र ४२ वटा इन्टरनेट सेवाप्रदायक कम्पनीले अनुमति लिएर काम गरिरहेका छन् । हाल सबै कम्पनीले आ–आफ्नै पूर्वाधारबाट सेवा दिइरहेकाले सबैलाई एउटै पूर्वाधारमा केन्द्रित गर्दा सेवा सस्तो पर्ने उनीहरूको भनाइ छ । समयानुकूल नीति नहुँदा पूर्वाधार विकासमा आवश्यकताभन्दा धेरै रकम खर्च भएको आरोप सेवाप्रदायकको छ । दूरसञ्चार पूर्वाधारको लगानीलाई न्यून गरी सेवालाई सस्तो तथा सर्वसुलभ बनाउन भन्दै गत वर्ष सरकारले आदेश ल्याए पनि त्यसअनुरूपमा कार्यविधि, निर्देशिका र सर्तहरू नबनेपछि कार्यान्वयनमा समस्या देखिएको हो ।
दूरसञ्चार पूर्वाधारको सहप्रयोगका लागि बन्ने निर्देशिका नेपाल दूरसञ्चार प्राधिकरणको सञ्चालक समिति (बोर्ड)ले पारित गर्नुपर्छ । प्राधिकरण भने आठ महिनादेखि अध्यक्षविहीन छ । प्राधिकरणमा अध्यक्ष नहुँदा गम्भीर प्रकृतिका निर्णय गर्न गाह्रो भइरहेको जनाइएको छ । प्राधिकरणका निर्देशक आनन्दराज खनालले कार्यविधि, निर्देशिका, मापदण्ड, सर्त, सुविधालगायतका धेरै काम तयारीको क्रममा रहेको बताए । खनालले गत वर्ष जारी आदेश तत्काल कार्यान्वयन हुनसक्ने अवस्थामा नरहेको जानकारी दिए । सञ्चार क्षेत्रको दीर्घकालीन विकास तथा व्यवस्थापन गर्न अप्टिकल फाइबर जस्ता पूर्वाधारको विकास गर्ने, हालका पूर्वाधारसमेतको व्यवस्थापन गर्न सक्ने गरी छुट्टै सञ्चार पूर्वाधार विकास कम्पनी वा संस्था स्थापना गर्ने सम्बन्धमा आवश्यकता र औचित्यको अध्ययन गर्ने व्यवस्था आदेशले गरेको छ । दूरसञ्चार तथा इन्टरनेट सेवाप्रदायकले केही वर्षदेखि भौतिक पूर्वाधार साझेदारी गरी सेवा दिने नीति माग गर्दै आएका थिए । पूर्वाधार साझेदारीका लागि आदेश जारी भए पनि पुनः अनुमति लिनुपर्ने व्यवस्था भएपछि सेवाप्रदायकहरूले चासो देखाएका छैनन् । ठूला कम्पनी झनै सशक्त भएकाले आफूहरूलाई समस्या परेको साना कम्पनीहरूले बताउँदै आएका छन् ।

Monday, June 24, 2013

टेलिकमले १,९९९ मा डाटाकार्ड दिने

doorsanchar.com दूरसञ्चार सेवा प्रदायक कम्पनीहरु इन्टरनेट सेवामा केन्द्रीत हुने क्रम बढिरहेको छ। समयको माग नै द्रूत गतिको इन्टरनेट रहेकाले ठूला दूरसञ्चार कम्पनी नेपाल टेलिकम र एनसेल इन्टरनेट सेवा बेच्नमा लागि परेका छन्। नेपाल टेलिकमले एडीएसएल, वाइम्याक्स, सीडीएमए, डायलअप, थ्रीजी लगायतका प्रविधिबाट इन्टरनेट सेवा दिइरहेको छ। एनसेलले पनि थ्रीजी डाटाकार्ड मार्फत इन्टरनेट सेवा दिँदै आएको छ।
data-card
इन्टरनेट सेवाको बजारमा नेपाल टेलिकम र एनसेल बीच तिब्र प्रतिस्पर्धा छ। सेवा, गुणस्तर र मूल्यमा यी दुर्इ कम्पनी बीच प्रतिस्पर्धा हुँदा उपभोक्तालाई भने सस्तोमा सेवा मिलिरहेको छ। यसै क्रममा नेपाल टेलिकमले सीडीएमए प्रविधिको इन्टरनेटलाई डाटा कार्डसँग बण्डलिङ गरेर सेवा दिने भएको छ। टेलिकमले इभिडियो डाटाकार्ड १,९९९ मा उपलब्ध गराउने बताएको छ। टेलिकम वायरलेस सेवा निर्देशनालयका उपप्रबन्धक अनन्तमान सिंहले टेलिकमले डाटाकार्डसँग बण्डल गरेर इभिडियो सेवा ल्याउन लागेको बताए। सिंहका अनुसार टेलिकमले असार मसान्तमा यो बण्डल प्याकेज उपभोक्ताका लागि उपलब्ध हुनेछ। टेलिकमको इभिडियो सेवामा ३.१ एमबीपीएस सम्मको गति पाउन सकिन्छ।
टेलिकमले ल्याउने इभिडियो डाटाकार्डमा उपभोक्ताले तिर्ने शूल्कमा डाटाकार्डका साथ एक महिना भित्र प्रयोग गरिसक्नुपर्ने गरि पाँच जीबी डाटा पाउनेछन्। टेलिकमले दिने डाटाकार्डमा एकजीबीको डाटा स्टोरेज क्षमता पनि उपलब्ध हुनेछ। जसले छुट्टै पेनड्राइभ बोक्नुपर्ने अवस्था रहनेछैन। उपप्रबन्धक अनन्तमान सिंहले टेलिकमको सीडीएमए नेटवर्कको कभरेज देशभर भएकाले यो सेवा लिनेहरुले देशभर जहाँ पनि इन्टरनेट चलाउन सक्नेछन्। टेलिकमको सीडीएमए सेवा लिनेहरुले कमजोर नेटवर्क भएको स्थानमा पनि वान एक्स मोडमा इन्टरनेट चलाउन सक्छन्। देशमा बैशाख सम्मको दूरसञ्चार तथ्यांकले देशका २५.२३ प्रतिशत जनसंख्या सम्म इन्टरनेट पुगेको देखाएको छ।

Monday, June 17, 2013

Nepal Telecom to increase prepaid recharge card validity period.


Government owned Telecom- Nepal Telecom is going to increase the validity period of prepaid recharge cards. As NT board has made a decision for the increment, Nepal Telecom will be implementing the decision soon. There were many complaints from the customers regarding the validity as they had to extend the validity period by topping up the balance even if they got unused balance in their mobile. The extension of  validity is beneficial to less consuming customers and those who use mobile phone for receiving purpose only.  With the new decision, validity period of 100 Rs recharge card will be increased to 2 months from the current 21 days. And the validity period of 200 Rs, 500 Rs and 1000 Rs (Current: months,  6 months and 1 year) will be increased to 5 months, 1 year and 2 year respectively.

Tuesday, June 4, 2013

Handset shortage hits NT’s IP-CDMA project

KATHMANDU, JUN 03 -Kathmandu Post, Ramesh Shrestha:  Nepal Telecom’s (NT) plan to distribute new mobile lines under its new IP-CDMA project has hit snag due to the shortage of handsets compatible with the technology. Even as the company targets to sell 300,000 Removable User Identity Module (RUIM) cards by the end of the current fiscal year, it has not been able to intensify its distribution plan. NT’s RUIM cards require separate handsets that support voice and data service in IP-CDMA network. The state-owned company had signed agreement with authorised dealers of Samsung and Alcatel to supply handsets and sell bundling with RUIM cards. But Samsung’s IP-CDMA handset is not compatible with NT’s RUIM card and Alcatel’s bidding handset has become obsolete. NT so far has distributed around 145,000 RUIM cards—a majority of which includes distribution to existing customers who replaced their old CDMA mobile RUIM cards, according to Rajesh Joshi, joint spokesperson for NT.  Old CDMA lines used to support either voice or data service only. Joshi said the new RUIM card has the capacity to provide voice and high speed data service too.  The IP-CDMA project has capacity of 2 million mobile lines for the entire country. In August 2011, Chinese vendor Huawei Technologies had signed a $30 million contract with NT for the implementation the IP CDMA project.

In a bid to bring new handsets supporting IP-CDMA network, NT had also called a tender, in which three companies dealing in Lenovo, a Chinese and an Indian brand had proposed to supply the handsets.  NT has said the company is under evaluation phase of the bid documents to select new suppliers that will sell handsets bundling with NT’s RUIM card. A senior NT official said Samsung’s dealers failed to bring handsets as agreed and the manufacturing of the model of Alcatel’s handset for which NT had signed an agreement has stopped. “These problems created shortage of handsets models which also affected our target for this year,” said the official. “We will bring new handsets and USB modems for our service bundling.” After Samsung failed to bring handsets, only Alcatel handsets were sold in market bundling with NT’s Sky Pro service at Rs 13,500. “We could not bring the handsets for NT’s RUIM card as Samsung handsets are not compatible,” said Deepak Malhotra, chairman of International Marketing Services, authorised distributor of Samsung handsets for Nepal. He said they did not participate in the new bid either. However, as per NT officials, Alcatel has expressed interest to supply new model compatible with the IP CDMA technology.  NT’s IP-CDMA service is being promoted as Sky Pro which can provide data service at speeds up to 3.1 Mbps, besides voice service. With a view to make the internet service available for customers using other devices such as laptops and desktops, the company is also preparing to procure USB modems and sell along with RUIM card.  “We are planning to sell 2,500 such modems in the first phase,” said Ananta Man Singh, deputy manager at Wireless Telephone Directorate of NT. He said the modems would also contain software that allows users to make calls from laptops and desktops computers. The modem would cost around Rs 2,000. Customers buying the USB model will also get 5 GB data for free along with RUIM card. Sky Pro service is the cheapest mobile data service as the company offers 1 MB data service at 50 paisa. The company officials said since they had received tariff approval from the Nepal Telecommunications Authority, the company soon would launch various data packages in different volumes and validity periods ranging from one day to one year.

Posted on: 2013-06-04 09:03